Luuka 2:21 - Bbaibbuli y'oLugwere

²¹ Awo omwana oweyayererye enaku omunaana igyo egyʼokumukomoleraku, ni bamuwa eriina bati, Yesu, iryo eriina omalaika eriyawaire omwana oyo ngʼakaali nʼokubba omu kida kya maaye.

Luuka 2:21 ပူးပေါင်းရင်းမြစ်များ

ENtandiika 17:12

Omu bʼemirembe egyaliirawo, nabuli mwisuka mwinywe eyamalanga enaku omunaana, bateekwanga okumukomola. Omwo ngʼotwaliiryemu abaana abaisuka abemwabyalanga, era nʼabanamawanga abemwagulanga-obuguli.

ABaleevi 12:3

Oku lunaku lwomunaana, omwana oyo bamukomolanga.

Matayo 1:21

Era ayaba okubyala omwana mwisuka, era bamuwa eriina bati, Yesu, olwʼokubba niiye eyalirokola abantu okuzwa omu bikole byabwe ebibbibibbi.”

Matayo 1:25

Neye tiyeegaitire naye paka oweyabyaire, era oYusufu nʼawa omwana oyo eriina ati, Yesu.

Matayo 3:15

Neye iye oYesu nʼamwiramu ati, “Oganye kibbe kityo omu kiseera kinu, ikyo kituuce iswe okukola obutuukirirye bwonabwona.” Kale awo oYokaana nʼaikirirya okubatiza oYesu.

Luuka 1:31

Oyaba okubba ekida, obyale omwana mwisuka, era bamuwe eriina bati Yesu.

Luuka 1:59

Awo omwana oweyayererye enaku omunaana, abantu ni baaba oku mukolo ogwʼokukomola omwana oyo. Babbaire baaba kumwerula iteeye oZakaliya.

Abʼe Firipi 2:8

Era oweyasuukire ooti muntu, yeewombekere, kaisi nʼagondera oKibbumba paka nʼokwikirirya okufa aate okufa okwʼoku musalabba.