Luuka 2:14 - Bbaibbuli y'oLugwere

¹⁴ “Ekitiisya kibbe eeri oKibbumba omwigulu! Era nʼoku kyalo, eidembe libbe omu bantu abo oKibbumba abaasiima!”

Luuka 2:14 ပူးပေါင်းရင်းမြစ်များ

Matayo 21:9

Awo ebiyindi byʼabantu ebyabbaire bimwekubbembeire, nʼebindi nga bimuzwaku e nyuma, ni baaba nga baaminkirira bati, “Tuwuuje oKurisito oMwizukulu wa Dawudi! Wʼenkabi iye oyo aiza omu liina lya Musengwa iye oKibbumba! Tumuwuuje oMusengwa aali omwigulu!”

Luuka 1:79

nʼayakira abo abali omu bwomi bwʼekibbikibbi nʼomu kiiriirye ekyokufa kwʼomu mwoyo, era nʼokulungamya ebigere byaiswe omu nzira eyʼeidembe.”

Luuka 19:38

Bembanga bati, “Wʼenkabi okabaka oyo aiza omu liina lya Musengwa iye oKibbumba! Eidembe libbe omwigulu, nʼekitiisya kibbe eeri oKibbumba aali omwigulu.”

Luuka 2:13

Amangu ago, aawo awabbaire omalaika oyo, ni waizawo nʼabamalaika abandi bangi abʼomu maje agʼomwigulu. Ni bawuuja oKibbumba nga webemba bati,

Luuka 2:15

Abamalaika owebamalire okuzwa e giri abaliisya, ni bakanga omwigulu. Awo abaliisya ni bakobangana bati, “Twabe e Bbeserekeemu, tubone ekintu ekyo ekigwireyo, oMusengwa ekyatukobeire.”

Luuka 3:22

era oMwoyo oMutukulye, ngʼafaananira nakimo ooti njiiwa, nʼaika nʼamugwaku. Era eigono ni lizwa omwigulu nga likoba liti, “Niiwe oMwana wange omutake, era ogunsiima eino.”

Yokaana 14:27

Aale atyanu mbalekera eidembe, era mbawa eidembe eryange. Iryo erimbawa tiriwaawo, era tiriri ooti liiryo abantu eribasuna oku kyalo. Nʼolwekyo timweraliikiriranga era timwatyanga olwʼebyabbangawo.”

Yokaana 17:4

Nze ndagire abantu ekitiisyakyo ngʼowekiri ekyʼamaani omu kukola era ni mmala omulimo oguwampaire okukola.

Yokaana 3:16

Ekyo kityo olwʼokubba oKibbumba yatakire ino abantu era nʼawaayo oMwanawe omoiza yenkani, kaisi nabuli muntu amwikiririryamu tiyajigirika, wazira abbe nʼobwomi obutawaawo.

Bikole 10:36

Mumaite obukwenda oKibbumba obuyasindikire eeri aBaisirairi ngʼabakobera aMawuliro aMasa agaleetera abantu eidembe aakati waabwe naye, okubitira omu kwikirirya oYesu Kurisito, oMusengwa wʼabantu bonabona.

Abʼe Looma 5:1

Aale atyanu ngʼoKibbumba owatusiima lwʼokumwikiririryamu, tuli nʼeidembe omumaisoge okubitira omu Musengwa waiswe oYesu Kurisito.

AbʼEfeeso 1:6

Ekyo yakikolere kaisi tumuwuujenge olwʼekisaakye ekinene, ekiyatukoleire nga titusaanira nʼokusaanira, ngʼabitira omu Mwanawe oyo ogwataka eino.

AbʼEfeeso 1:9

Era oKibbumba, omu kusiimakwe, yatumanyikisirye ekyama ekiyabbaire abisire abantu eibbanga linene, ekyʼentegekaye egiyabbaire yategekere eira okugituukirirya omu Kurisito.

AbʼEfeeso 2:4

Neye iye oKibbumba owʼekisa ekibitiriri era atutaka eino,

AbʼEfeeso 2:7

Yakolere ekyo atyo kaisi olwo, omu mirembe egyaba okwiza alage obusuni bwʼekisaakye ekibitiriri eino, ekyo ekiyatukwatiire okubitira omu Kurisito Yesu.

Abʼe Firipi 2:11

era buli muntu yalibbutula omulwatu ati, “OYesu Kurisito niiye oMusengwa.” Era nʼolwekyo abantu bonabona baligulumalya oKibbumba oItewaiswe.

Abʼe Firipi 2:13

Ekyo kityo olwʼokubba oKibbumba niiye akolera mu buli mwikirirya okumwezyesya okubba nʼokutaka okukola era nʼokukola ebisa oKibbumba ebyataka.

Abʼe Kolose 1:20

Era oKibbumba yasiimire kubita mu niiye okusyania nʼebintu byonabyona, ebyo ebiri omwigulu nʼebiri omu kyalo, ngʼaleetawo eidembe olwʼomusaaye ogwasusukire owebamukomereire oku musalabba nʼafa.

2 Abʼe Sesalonika 2:16

Kale oMusengwa waiswe oYesu Kurisito onyere, nʼoKibbumba oItewaiswe, eyatutakire atyo era olwʼekisaakye, nʼatuwa eisangaalo eritawaawo nʼeisuubi erisa,

Kubiikula 5:13

“Era ni mpulira nabuli kibbumbe omwigulu nʼoku kyalo, nʼansi wʼekyalo nʼomu nyanza, byona nga bikoba biti: Oyo atyaime oku ntebe eyʼobwakabaka era nʼoNtaama oMutomuto wa Kibbumba, tubawuuje, tubawe ekitiisya; tubagulumalye, era babbe nʼobwezye emirembe nʼemirembe!”