Luuka 17:3 - Bbaibbuli y'oLugwere

³ Kale mwekuume. “Singa omugandawo akukola ekibbikibbi, omulabule era oweyeenenya, omusoniye.

Luuka 17:3 ပူးပေါင်းရင်းမြစ်များ

EZabbuli 141:5

Oganye omuntu omutuukirirye ambonereze, ekyo kintu ekyʼekisa; oganye annenye, ekyo kirongoola ooti mafuta agebansukire oku mutwe. Ekyo tinkigaana. Neye esaala yange bulijo eyakanisya ebikole byʼabakola ebibbibibbi.

OKuzwa 34:12

Mwekuume okutakolanga endagaano nʼabatyami bʼomu kyalo e gimuli kwaba. Ekyo kityo olwʼokubba owemwalikikola, balibapapalya omu mutego gwʼokusinza abakibbumba baabwe.

ENgero 17:10

Okunenya kukola kinene oku muntu omutegeeri, okukiraku emiigo 100 egibakubba omusirusiru.

ENgero 27:5

Akukobera ekisobyokyo omu lwatu akiraku akutaka omu mbiso.

ENgero 9:8

Tiwanenyanga omunyoomi, kaisi tiyakucaawa, onenyenge wʼamalabuki, yakutakanga.

ABaleevi 19:17

“ ‘Tiwacaawanga omugandawo ni wamwekwatirirya oku mwoyo. Obbutulirenge omwinawo ensobiye, kaisi nandi nʼogwa omu kibbikibbi olwʼensobiye.’

Matayo 18:21

Awo oPeetero nʼaigerera egiri oYesu, nʼamubuulya ati, “Musengwa, emirundi mimeka omuntu omunange egiyankolanga ebindumirirya era nga mmusoniya? Mmusoniyenge emirundi egyera musanvu?”

Luuka 21:34

Awo oYesu nʼalabula abantu ati, “Mwekuume okwetalawusa, nʼobuteemeere, nʼokweraliikirira ebyobwomi bwʼoku kyalo kunu okutazitowereranga emyoyo gyanywe, amo ni mubba ooti muli awo ngʼolunaku lwa Kibbumba olwʼokusaliraku emisango lubagwireku nga timwetegekere ooti muntu azwa omu mutego.

AbʼEfeeso 5:15

Kale mugenderere ino engeri egimwebityamu omu bwomi bwanywe, timwabbanga ooti bantu ababula amalabuki, wazira mubbenge abantu abaizwire amalabuki.

AMateeka 4:15

Awo oMusa ni yeeyongera ati, “Kale mwegendereze ino olwʼokubba oku lunaku oMusengwa oluyatumuliire na inywe oku Lusozi oKolebbu ngʼasinzirira omu musyo, timwamuboine ngʼowaafaanana.

AMateeka 4:23

Mwekuume okuteerabira endagaano oMusengwa iye oKibbumba waanywe egiyakolere na inywe; timwekoleranga ekifaananyi ekyʼokusinza ekyʼengeri yonayona, oMusengwa iye oKibbumba waanywe ekiyabagaine.

AMateeka 4:9

“Ekimubba mukola kyonkani, inywe kwegenderezanga nʼokwekuumanga mu bwomi bwanywe kaisi nandi ni mwerabira ebintu ebimweboneireku nʼagaanywe, era kaisi nandi ni bizwa omu myoyo gyanywe. Mubisomesyenge abaana baanywe era bona babisomesyenge abaabwe.

AbʼEbbulaniya 12:15

Mwekuume, kaisi tiwaabbaawo omuntu afiirwa omugabogwe ogwʼekisa kya Kibbumba ekiyatulagire ogwʼokutulokola. Mwekuume, kaisi tiwaabbaawo kibbikibbi ekisetuka mwinywe, ni kibatabulatabula, era ni kyonoona abangi.

Yaakobbo 5:19

Boluganda, omoiza kwinywe owaagotanga nʼazwa oku mazima kaisi ogondi nʼamwiryawo,

2 Yokaana 1:8

Aale mwekuume kaisi mwezye okutafiirwa ekitwateganiire, wazira mwezye okusuna empeera yaanywe omu bwizulye.