Luuka 16:3 - Bbaibbuli y'oLugwere

³ “Awo omulabiriri oyo ni yeebuulya omu mwoyogwe ati, ‘Atyanu niki ekinakola? Omusengwa wange ali kuntoolaku omulimo. Mbulamu kadi amaani agalima, kaisi ngʼensoni ginkwata okusabirirya.

Luuka 16:3 ပူးပေါင်းရင်းမြစ်များ

Eseza 6:6

OKamani oweyaingiire, okabaka nʼamubuulya ati, “Kitiisyaki, na bukuluki ebibawa omuntu okabaka ogwatakire okusiima?” Atyanu awo oKamani nʼaseega omu mwoyogwe ati, “Naani ogondi-so okabaka ogwayezya okukolera ekintu okuwa ekitiisya omuntu oyo nga tininze?”

ENgero 13:4

Omuntu omugayaali ayoya era nandi nʼasuna, neye omunyiikiiri asuna ebiyeegomba mu bungi.

ENgero 15:19

Enzira yʼomugayaali ebba nswapi nʼamawa, neye ekisinde kyʼomulongoole omu mwoyo lubba luguudo olulambye.

ENgero 18:9

Omudoto omu byakola, mpaawo njawulo nʼoyo abebenya ebintu.

ENgero 19:15

Obugayaali buleeta endoolo nyingi; era atataka okukola, abba munzalwa.

ENgero 20:4

Omugayaali talimira omu biseera ebituuce, omu kiseera kyʼamakungula yalikayaku ekyokukungula.

ENgero 29:21

Aginia omuweereryawe okuzwa nga mutomuto, oluzwanyuma yalimuleetaku eifuge.

Matayo 20:8

Awo oYesu ni yeeyongera ati, “Eigulo esaawa egyokwinukiramu owegyatuukire, onyere omusiri nʼakoba onyampalawe ati, ‘Oyete abapakasi, era obasasule empeera yaabwe, ngʼotandiikira kwabo abasembereyo okwiza okukola, kaisi osembyeyo abasookere oku mulimo.’

Maako 10:46

Batyo oYesu nʼabeegibe, nʼekiyindi kyʼabantu ekinene, ni batuuka omu kibuga e Yeriko. Owebabbaire bazwamu, ni baajirya omwofu ngʼatyaime oku nzira, ogubeeta oBbaatimaayo, eyasabiriryanga. Omwofu oyo yabbaire mutaane wa Timaayo.

Luuka 12:17

Kale ni yeebuulya omu mwoyogwe ati, ‘Niki ekinakola? Ndambaku e ginabisa amakungula gange gonagona.’

Luuka 16:2

Kale omusuni oyo nʼayeta omulabiririwe nʼamukoba ati, ‘Ebyo ebinkuwuliireku biri bitya? Onsonzolere ebikwata oku byokulabirirakwo olwʼokubba toyezya okusigala ngʼomulabiriri wʼebintu byange.’

Luuka 16:20

Neye oku geeti ya musuni oyo babikiryangawo omudoobi omusabiriri, eriinalye bati Lazaalo oyo iye eyabbaire aizwire amabbwa,

Luuka 16:22

“Kale ekiseera kyatuukire, omudoobi oyo nʼafa, era abamalaika ni batwala omwigugwe e giri oIbbulaimu. Oluzwanyuma omusuni yena yafiire era ni bamuliika.

Luuka 16:4

Atyanu mmaite ekinakola, kaisi abantu bayezye okunsangaalira omu bisito byabwe owebabba nga bambingire oku mulimo.’

Luuka 18:4

“Kale omulamuzi nʼamala ekiseera ngʼakaali againe. Neye oluzwanyuma nʼakoba omu mwoyogwe ati, ‘Newankubbaire nga tintya oKibbumba, era waire kadi kuwa bantu kitiisya,

Yokaana 9:8

Cooka abaliranwabe nʼabantu abandi abamubonanga ngʼasabirirya owebamuboine, ni babuulyangana bati, “Omusaiza oyo tiniiye eyatyamanga eedi era nʼasabiriryanga?”

Bikole 3:2

Owebabbaire batuuka oku luuga lwʼeYeekaalu wabbairewo omusaiza ogubabyaire nga munialuuki ogubabbaire batuuca oku geeti. Nabuli lunaku bamuteekanga aawo oku geeti egibeeta eNsa, asabirirye abantu abaingira.

Bikole 9:6

Aale atyanu osetuke oyabe oingire omu kibuga. Eeyo wayajiryayo abakukobera ekyokukola.”

2 Abʼe Sesalonika 3:11

Twawuliire mbu abamo kwinywe balaaduuki, tibakola mirimo, wazira baliwo kweingirya mu byʼabanaabwe.