Luuka 13:34 - Bbaibbuli y'oLugwere

³⁴ Awo oYesu nʼakunga oku lwʼabantu bʼe Yerusaalemi ati, “Inywe abantu bʼe Yerusaalemi, inywe omwita abanaabbi, era ni mwita nʼabantu oKibbumba ababatumira nga mubakubba nʼamabbaale! Emirundi mimeka egintakire okusolooja abaanabo ooti nkoko owaamaamira obumiyobwe omu biyayabye, neye nga timwikirirya?

Luuka 13:34 ပူးပေါင်းရင်းမြစ်များ

EZabbuli 149:2

Oleke oIsirairi asangaalire oyo eyamukolere. Abantu bʼe Sayuuni basangaalire oKabaka waabwe.

EZabbuli 17:8

Onkuume ngʼobwokuuma emunge yʼeriisolyo, ombise omu kiiriirye kyʼebiyayabyo.

EZabbuli 36:7

Oo Musengwa, ekisaakyo nga kyʼebbeeyi ino! Abantu bonabona basuna obukuumi mu kiiriirye kyʼebiyayabyo.

EZabbuli 57:1

Onkwatire ekisa Kibbumba wange, onkwatire ekisa olwʼokubba njirukira eeri niiwe okunkuuma. Nsuna obukuumi mu kiiriirye kyʼebiyayabyo paka entalo owegica.

EZabbuli 81:13

Oo singa abantu bange bampulisisya! Kale singa oIsirairi atambulira omu manzira gange!

EZabbuli 91:4

Iye yakulabiriranga, era omu biyayabye mu wasunanga obukuumi. Obwesigwabwe bwabbanga ngaboyo okukukuumanga.

Matayo 22:3

Awo esaawa yʼembaga oweyatuukire nʼatuma abagalamabe okukoba abagenibe abeete baabe oku mbaga. Neye abageni ni bagaana okwaba.

Matayo 22:6

Era nʼabasigairewo ni bakwata abagalamabe ni bababitya kubbikubbi, era ni babaita.”

Luuka 15:28

“Neye iye omugandawe omukulu nʼanyiiga era nʼagaana okutuuka e ika. Kale oiteeye nʼakimanyica era nʼamusenja aadi e giyabbaire okumwegairira atuuke e ika.

Luuka 19:44

Balibamalirawo nakimo era paka nʼabaana baanywe. Era mpaawo eibbaale kadi limo eryalisigala nga lyombeke oku liinaye, olwʼokubba timwamanyicirye ekiseera oKibbumba ekiyaiziireemu okubalokola.”

Luuka 23:28

Neye oYesu nʼaira oku bakali abo kaisi nʼabakoba ati, “Inywe abakali abʼe Yerusaalemi, timwakunga okulwange; neye mwekungire niinywe abananyere era nʼolwa baana baanywe.

Bikole 7:52

Oku banaabbi bonabona aale kulikuuku kadi moiza abazeiza baanywe ogunandi ni bayiigaania? Obanga baitire nʼabo bona abalagwire okwiza kwa Mutukulye wa Kibbumba atuukiriire, yena ogumwaliiremu olukwe ni mumwita.

Bikole 7:59

Nga bakaali bamukubba amabbaale, oSitefaano nʼasaba nʼebibono binu ati, “Musengwa oYesu, otwale omwoyo gwange.”

Bikole 8:1

Omusaiza oodi oSawulo yena yabbaire awo ngʼasiima ekyʼokwita oSitefaano. Oku lunaku olunanyere olwo, okuyiigaania ekanisa eyabbaire omu Yerusaalemi okwʼamaani ni kutandiika. Era okutoolaku abatume, kumpi abaikirirya abasigairewo bonabona basalaanikiire mu bitundu byʼeitwale lyʼe Buyudaaya nʼomu lyʼe Samaaliya.

AMateeka 32:29

Singa bandibbaire balabuki, banditegeire kinu era bankumanyicirye enkomerero yaabwe oweyankubbaire.

AMateeka 5:29

Kale singa bulijo baabbanga nʼomwoyo ngʼogwo, ni bantyanga era ni bakuumanga ebiragiro byange byonabyona, ibo nʼeibyaire lyabwe ebibakola byabaabiranga nakusani emirembe gyonagyona!

Kubiikula 11:8

Emirambo gya bajulizi ababiri gyalisigala omu nguudo gyʼekibuga ekinene, oMusengwa waabwe omu bamukomereire oku musalabba. Eriina lyʼekibuga ekyo, eriri mu ngeri ya lugero niiryo oSodoma era oMisiri.

Luusi 2:12

Nsaba oMusengwa akusasule olwʼebyo ebyokolere. Nsaba oMusengwa iye oKibbumba wa Isirairi oguwaizire okukukuumanga akuwe empeera nene.”