Luuka 12:7 - Bbaibbuli y'oLugwere

⁷ Kale timwatyanga, olwʼokubba inywe muli bʼebbeeyi okukiraku obunyonyi obwo. Era oKibbumba amaite nʼobungi bwʼenziiri gyʼoku buli mutwe gwʼomuntu.

Luuka 12:7 ပူးပေါင်းရင်းမြစ်များ

2 Samwiri 14:11

Omukali nago nʼakoba ati, “Nkwegairiire musengwa wange kabaka, ondayirire oMusengwa iye oKibbumbawo, oti tiwaganye omuntu yenayena tete okusuka omusaaye olwʼokunyaaŋa, kaisi tibaita omutaane wange.” Okabaka nʼairamu ati, “OMusengwa ngʼobwali omwomi, mpawo muntu eyalikwata oku mutaanewo.”

EZabbuli 8:6

Wamuwaire obwezye okufuga ebintu byonabyona ebiwabbumbire. Era ebintu byonabyona wabiteekere ansi wʼobwezyebwe,

Matayo 12:12

Atyanu olwo omuntu tiwamugaso ino okukiraku ontaama! Nʼolwekyo baikirirya okukolera omuntu ekintu ekisa oku Saabbaato.”

Matayo 6:26

Aale mubone enyonyi, igyo tigisiga, waire kukungula tigikungula, era tigibba kadi nʼekideero. Neye oItewaanywe aali omwigulu agiwa ekyokulya. Olwo inywe timuli bamugaso ino okukiraku enyonyi?

Luuka 21:18

Neye mpaawo kwinywe eyalijigirika obwomibwe obwʼomwoyo.

Bikole 27:34

Aale atyanu mbegairiire, mubbeeku nʼakemulya mwezye okubbaawo demba ni mufa enzala. Mpaawo kabbikabbi kadi kamo akabatuukaku.”

1 Samwiri 14:45

Awo abalwani bʼaBaisirairi ni bakoba oSawulo bati, “Dala oYonasani oyo awanguliire oIsirairi olutalo lunu olwʼamaani afe? Kadi naire! Tulayira oMusengwa ngʼobwali mwomi, tiwaabbeewo waire kaziiri akamo kati akazwa oku mutwegwe, olwʼokubba akolere ekyo olwatyanu nʼobubbeeri bwa Kibbumba.” Kale abalwani abo ni banunula oYonasani kaisi nandi ni bamwita.