Luuka 11:9 - Bbaibbuli y'oLugwere

⁹ Kale mbakoba nti musabenge, era mwalisuna; munoonienge, era mwalibona; mukonkonenge oku lwigi, era balibaigulirawo,

Luuka 11:9 ပူးပေါင်းရင်းမြစ်များ

EZabbuli 118:5

Owenabbaire omu bugosi neekungiriire oMusengwa, nʼanjiramu era nʼannunula.

EZabbuli 27:4

Ekintu kimo ekinsaba oMusengwa, era ekiinnoonia, kubbanga mu nyumba ya Musengwa enaku gyʼobwomi bwange gyonagyona, nga nningirira oku busaabwe, era nʼokusaba okulungamyakwe nga ndi omu Yeekaaluye.

EZabbuli 27:8

Mpulira omu mwoyo gwange ngʼonkoba oti, “Onnoonie,” Musengwa, zena njiramu omu mwoyo gwange nti, “Nakunoonianga.”

EZabbuli 34:10

Empologoma igyo egyʼamaani gikayaku ekyokulya enzala nʼegiruma, neye abanoonia oMusengwa, tibadamba ekintu ekisa kyonakyona.

EZabbuli 34:4

Nanoonerye oMusengwa, nʼanjiramu, era yannunwire mu byonabyona ebyabbaire bintiisya.

EZabbuli 50:15

Onjetenge ngʼoli omu bigosi, nakununulanga, era nʼongulumalya.”

Matayo 21:22

Era singa mwabbanga nʼokwikirirya, buli ekimwasabanga oKibbumba mwakisunanga.”

Matayo 21:31

Kale oYesu nʼabuulya abakabona abakulu nʼabantu abakulu omwigwanga ati, “Naani oku baana abo ababiri eyakolere oitewaabwe ekiyatakire?” Ni bairamu bati, “Omukulu waaku.” Awo oYesu nʼabakobera ekyategeeza ati, “Mbakobera amazima nti abasolooji ba musolo nʼabamalaaya baaba okwingira omu obwakabaka bwa Kibbumba okukiraku inywe,

Matayo 6:29

Neye mbakobera nti nʼewankubbaire okabaka oSulemaani omu kitiisyakye kyonakyona, tiyazwaireku okuboneka nakusani okutuukiryaku ngʼebimuli owebibba.

Maako 11:24

Nʼolwekyo mbakoba nti, nabuli ekimwasabanga oKibbumba, mwikiriryenge muti mukisunire, era mwalikisuna.

Maako 13:37

Ekimbakoba inywe, era kinkoba nʼabandi bonabona nti, ‘Mubonie!’ ”

Luuka 11:10

olwʼokubba nabuli asaba asuna, era oyo anoonia abona, nʼoyo akonkona oku lwigi bamwigulirawo.

Yokaana 14:13

Era buli ekimwasabanga nga mubita omu liina lyange, nakibakoleranga, kaisi oBbaabba bamugulumalye nga babita omu Mwanawe.

Yokaana 15:16

Era tiniinywe omwasalirewo okubba beegi bange, neye ninze enabalonderemu inywe era ni mbateekawo okukolanga ebikole ebisa. Kaisi awo oBbaabba ayezye okubawanga buli ekimusaba nga mubita omu liina lyange.

Yokaana 15:7

Neye owemubba ekintu ekimo na nze, era ni musigala nga mukolera oku bibono ebimbakoba, mwezya okusaba kyonakyona ekimutaka era oKibbumba yakibawanga.

Yokaana 4:10

Awo oYesu nʼamwiramu ati, “Singa obbaire omaite ekirabo oKibbumba ekyataka okukuwa, era singa omaite akusaba amaizi okunywa, wandibbaire omusabire amaizi agaleeta obwomi, era yandigakuwaire.”

Abʼe Looma 2:7

Abo nenca abeekalangulira omu kukola ebikole ebisaaniire ngʼekibasuubira Kibbumba kubasuuca bʼekitiisya omwigulu era nʼokutafa, yalibawa obwomi obutawaawo.

2 Abʼe Kolinso 6:2

Ekyo kityo olwʼokubba omu Biwandiike oKibbumba akoba ati: “Ekiseera ekituuce owekyatuukire, nawuliire okusaba kwanywe, era oku lunaku olwʼokulokoka nababbeereire.” Aale muwulire, atyanu kinu niikyo ekiseera kya Kibbumba ekituuce, era lunu niirwo olunaku olwʼokulokokeraku.

AbʼEbbulaniya 11:6

Neye mpaawo muntu ayezya okusangaalya oKibbumba anambula kwikirirya, olwʼokubba buli aiza egiri oKibbumba, ali nʼokwikirirya ati oKibbumba aliwo, era ati awa empeera abo abamunoonia nʼeiganyi.

AbʼEbbulaniya 4:16

Kale, atyanu twigerere nʼobumaliriri eeri entebe ya Kibbumba aizwire ekisa, era twasuna okutusaasira nʼokutukwatira ekisa, era nʼokutubbeera nabuli owetwetaagira.

Yaakobbo 1:5

Abba nga mwinywe mulimu adamba amalabuki, asabe oKibbumba agabira nabuli moiza nʼekisa anambula bukenge, yagamuwa.

Yaakobbo 5:15

Okusaba okwo, okwizwire okwikirirya, kwalamya omulwaire oyo, oMusengwa nʼamwisuuca. Era owaabba nga yakolere ebibbibibbi, balibimusoniya.

1 Yokaana 3:22

era ni tusuna nabuli kitumusaba, olwʼokubba tukwata ebiragirobye, era ni tukola ebyasiima.

Kubiikula 2:24

Neye inywe abʼomu Siyatira abamo abataikirirya enjegesya gya mukali oyo embiibbi, era abatamaite ebyo abandi ebibeeta ebyama ebyʼomunda eino ebya Sitaani, mbakoba nti tinjaba kubatiika buzito bundi.