Luuka 11:8 - Bbaibbuli y'oLugwere

⁸ Mbakobera nti newankubbaire ngʼabbaire tiyasetuke okumuwa ekintu, neye aira nʼasetuka nʼamuwa kyonakyona ekyataka tirwakubba nti mukaagwawe neye lwʼokumwegairira na iganyi.

Luuka 11:8 ပူးပေါင်းရင်းမြစ်များ

ENtandiika 32:26

Awo omusaiza nago nʼakoba oYaakobbo ati, “Onteere njabe obwire buceire.” Neye oYaakobbo nʼamukoba ati, “Tinakuteere okutoolaku ngʼompaire enkabi.”

Luuka 11:7

Awo kaisi oodi omukaagwawo, nʼairamu ati, ‘Munange mbulanago agakakaduka olwʼokubba nze mmalire okweigala, era nze nʼabaana bange twegoneire. Kale timpezya kusetuka okukubbeera naire.’

Abʼe Looma 15:30

Boluganda, mbegairiire omu liina lya Musengwa waiswe oYesu Kurisito, nʼolwʼokutaka kwa Mwoyo oMutukulye, mwefudeku aamo na nze okunsabira eeri oKibbumba.

2 Abʼe Kolinso 12:8

Era emirundi misatu neegairiire oMusengwa oYesu okuntoolaku okugada okwo,

Abʼe Kolose 2:1

Ntaka mumanye ngʼowendwanikana eino okulwanywe omu kusaba, nʼoku lwʼabaikirirya abʼomu kibuga e Lawodikiya, era nʼoku lwʼabo bonabona abatambonangaku.

Abʼe Kolose 4:12

Epafula yena owʼe waanywe eeyo, omuweererya wa Kurisito Yesu, abasugiirye. Era bulijo abasabira ino ati mubbe omu bwomi obutuukiriire, nʼabategereire nakimo oKibbumba ebyataka.

ABalamuzi 14:17

Omukali nʼamukungirira olwʼekyo, okumalaku enaku musanvu egyʼembaga. Oku lunaku lwomusanvu nʼamukobera, olwʼokubba yamuleyiirye ino. Awo omukali nʼakobera abaisuka bʼeigwangalye ekikoiko ekikitegeeza.

1 Samwiri 1:12

Awo oKaana oweyeeyongeire okusaba oMusengwa, Eri ni yeekalikica omunwa gwa Kaana.