Luuka 11:4 - Bbaibbuli y'oLugwere

⁴ Era otusoniye ebibbibibbi byaiswe, olwʼokubba swena tusoniya nabuli atukola ebitulumya. Era tiwatuleka okugwa omu bikemo, neye otununule okuzwa eeri omubbimubbi.’ ”

Luuka 11:4 ပူးပေါင်းရင်းမြစ်များ

ENtandiika 48:16

Omalaika owannunwire mu buli kabbikabbi konakona, obawe enkabi. Eriina lyange nʼerya zeiza wange oIbbulaimu, nʼerya bbaabba oIsaka, okubita omu baana banu, abantu bageebukiryenge. Basune eibyaire linene oku kyalo.”

EZabbuli 121:7

OMusengwa yakukuumanga eeri nabuli kabbikabbi, yalabiriranga obwomibwo.

EZabbuli 25:11

Oo Musengwa olwʼeriinalyo, onsoniye ebibbibibbi byange newankubbaire nga bingi.

EZabbuli 25:18

Obone okugada okwendimu, nʼebigosi byange era onsoniye ebikole byange ebibbibibbi byonabyona.

Matayo 18:35

OYesu nʼamaliirirya ati, “OBbaabba aali omwigulu atyo yena weyalikola buli moiza kwinywe, singa buli muntu omu mwoyogwe tasoniya omwinaye.”

Matayo 26:41

Mubonie era musabe oKibbumba, kaisi okubagezesya tikwabatuukaku, olwʼokubba emyoyo gyanywe dala mimaliriri, neye emibiri minafu.”

Luuka 11:5

Awo nʼabakoba ati, “Singa omoiza kwinywe abba nʼomukaagwawe, kaisi nʼoyaba egyali omu kiire aakati nʼomukoba oti, ‘Munange, onkoopeku obusye,

Luuka 13:4

Ooba badi eikumi na munaana abʼe Sirowaamu, okalina abeyagwireku era ni bafa, museega muti ibo babbaire bakola ebibbibibbi ino okukiraku abantu abandi bonabona ababbaire omu Yerusaalemi?

Luuka 22:46

Kaisi nʼababuulya ati, “Inywe, mugona-bugoni? Musetuke musabe oKibbumba, kaisi timwagwa omu bikemo.”

Luuka 8:13

Kaisi ensigo egyagwire omwitakali eryʼokwibbaale, niibo abantu abawulira ekibono kya Kibbumba era ni bakyaniriza nʼeisangaalo, neye ni babba ooti bimera ebidamba emiri egyabirira nakimo ansi omwitakali. Ibo baikirirya ekibono kya Kibbumba okumala ekiseera kityayi kiti, kaisi omu kiseera ekyokubakema ni bakizwaku.

Yokaana 17:15

Cooka tinkusaba nti obatoole oku kyalo, wazira nti obakuume eeri omubbimubbi oSitaani.

1 Abʼe Kolinso 10:13

Mumanye muti ebikemo ebimubitamu niibyo ebituuka oku bantu bonabona. Iye oKibbumba mwesigwa, era tiyalekenge ni babakema okukiraku ekimwezya okugumira. Neye owebabakemanga era yabawanga engeri yʼokukigumira era awo nʼabateekerawo nʼengeri yʼokukibitamu.

Abʼe Kolose 3:13

Muguminkirizaganenge era ni musoniyangana nabuli owewabbaawo alumirye omwinaye. Muteekwa okusoniyangana omu ngeri enanyere eyo ngʼoMusengwa waiswe oweyabasoniyire inywe.

2 Abʼe Sesalonika 3:3

Neye oMusengwa waiswe mwesigwa era yabongeramu amaani, nʼabalamya omubbimubbi oSitaani.

2 Temuseewo 4:18

Era oMusengwa yannunulanga mu buli kabbikabbi, era yalintuuca kusani omu bwakabakabwe obuli omwigulu. OMusengwa oyo tumuwenge ekitiisya emirembe nʼemirembe. Amiina.

Yaakobbo 2:13

Ekyo kityo olwʼokubba omuntu atasaasira, balimusalira omusango omumaiso ga Kibbumba nga tibamukwatira kisa naire. Neye era, omu kusala omusango, oKibbumba abba nʼekisa.

Kubiikula 2:10

Tiwaatya ebigosi byonabyona ebyoyaba okubitamu. Obone, oSitaani yatira okuteeka abamo kwinywe omu mabbuusu okubagezesya, era balibayiigaanirya enaku ikumi. Obbenge omwesigwa nʼowekibba kyakutuuca ku kufa, nze nalikuwa obwomi ngʼengule eraga obuwangulibwo.

Kubiikula 3:10

Ekyo nalikikola olwʼokubba wakwaite ekiragiro kyange ekikoba kiti, “Oguminkirize,” zena nalikulamya omu kiseera ekyʼokukugezesya ekyaba okwiza oku kyalo kyonakyona, okugezesya abo abali oku kyalo.