Luuka 10:34 - Bbaibbuli y'oLugwere

³⁴ Kale awo nʼamwigereraku, nʼamusuka obulezi omu biso, era nʼabisibaku ebiwero. Oluzwanyuma nʼamuteeka oku mpundawe iye oMusamaaliya oguyabbaire atambuliraku, era nʼamutwala omu nyumba yʼabantu abali omu ngendo e gibapangisyanga ni yeeyongera okumujanjabya.

Luuka 10:34 ပူးပေါင်းရင်းမြစ်များ

ENtandiika 42:27

Neye owebatuukire omu kifo egibagonere ekiire ekyo, era omoiza kwibo nʼasibindula ekotiyaye okuwa ompundawe ebyokulya, yaajiirye empiiyagye nga giri oku ngulu oku byokulya ebyabbaire omu kotiyaye.

EZabbuli 147:3

Alamya abanyolere omu myoyo, era ababudaabuda omu bukosefu byabwe.

OKuzwa 4:24

Atyanu oMusa nʼabʼomu kisitokye owebabbaire nga baaba e Misiri, era nga bali omu kifo e gibagonere obwire, oMusengwa nʼabonekera oMusa, era nʼataka okumwita.

Maako 14:8

Omukali onu akolere ekyayezya, omubiri gwange agusukireku amafuta agʼakaloosa nga nkaali kufa, nʼagukwanirya nakimo olwʼokuguliika.

Luuka 10:33

Neye iye oMusamaaliya oweyabbaire oku lugendolwe, era nʼatuuka omukubbe oyo e giyabbaire kaisi nʼamubona, yamukwatiire ekisa.

Luuka 10:35

Oku lunaku olwairireku, nʼatoola edinaali ibiri, nʼagiwa onyere enyumba ya bageni oyo, era nʼamukoba ati, ‘Omujanjabe. Empiiya gyonagyona egiwalikolesya nga gibitawo mu ginu, nalikusasula amaira.’

Abʼe Looma 12:20

Nʼolwekyo, era eBiwandiike bikoba biti: “Omulabewo owaabbanga enzala, omuwanga ekyokulya nʼalya. Era owaabbanga enyonta, omuwanga ekyokunywa nʼanywa. Okola otyo, walimuleetera okuwulira eino ensoni.”

1 Abʼe Sesalonika 5:15

Mubone muti mwinywe tiwaabbaawo anyaaŋa, wazira bulijo mwegumyenge kukola bintu ebisa mwinywe, nʼomu bantu bonabona.