Luuka 1:78 - Bbaibbuli y'oLugwere

⁷⁸ olwʼokubba oKibbumba waiswe aizwire ekisa. Era olwʼekisa ekyo yalitucaalira ngʼamoleka nakusani ooti isana eryankuzwayo,

Luuka 1:78 ပူးပေါင်းရင်းမြစ်များ

EZabbuli 25:6

Oo Musengwa, oyebukirye okusaasirakwo nʼekisaakyo, ebiwalagire okuzwa eira nʼeira.

OKubala 24:17

“Ebinjolesebwa ebibakwataku, tibyakubbaawo biseera binu; ebinjolesebwa ebibakwataku, tibyakubbaawo kuti kunu. Okabaka yalizwayo omwibyaire lya Yaakobbo ooti nkota; okabaka yalizwa omu Baisirairi. Yalitentena empumi gyʼabʼeibyaire lya Mowaabbu, yalitentena ebiyanga byʼabʼeibyaire lya Seezi bonabona.

Yokaana 3:16

Ekyo kityo olwʼokubba oKibbumba yatakire ino abantu era nʼawaayo oMwanawe omoiza yenkani, kaisi nabuli muntu amwikiririryamu tiyajigirika, wazira abbe nʼobwomi obutawaawo.

AbʼEfeeso 5:14

olwʼokubba ekitangaala ekyo niikyo ekimoleka ebintu ni biboneka. Kagira bakoba bati, “Olamuke iwe agonere omu bwomi bwʼekibbikibbi, ozwe omu ndoolo ozuukire, kaisi oKurisito amoleke ekitangaalakye omu bwomibwo.”

Abʼe Firipi 1:8

OKibbumba iye mujulizi, wʼokubataka okwembatakamu nywenanywena okuli ooti kuudi oKurisito oYesu okwabatakamu.

Abʼe Firipi 2:1

Nʼolwekyo, olwʼokubba nti mwiramu amaani lwa kwesiga Kurisito, era okutakakwe kubagumya, era mukolera aamo nʼoMwoyo oMutukulye, era mukwatirangana ekisa era musaasirangana owewabbaawo agada,

Abʼe Kolose 3:12

Muli bantu oKibbumba abeyalondere okubba ababe, nʼabawa okubba abatukulye era abaataka eino. Nʼolwekyo mubbenge bantu abaizwire okusaasira, nʼekisa, nʼobuwombeeki, nʼeiwooyo, era nʼokuguminkiriza.

2 Peetero 1:19

Era iswe tuli nʼobukwenda bwa banaabbi, mwobwo tweyongera okubba bagumu nakimo ino, nʼolwekyo musaaniire okubuteekaku omwoyo. Ekyo kityo olwʼokubba obukwenda obwo buli ooti itaala eryakira omu kifo ekyʼendikiirya, paka obwire owebuca kaisi ekitangaala kya Kurisito ni kyakira omu myoyo gyanywe ooti nkota owʼamakeezi owaaleeta ekitangaala omu kyalo.

1 Yokaana 3:17

Era singa omuntu abba nʼebyobusuni ebyʼoku kyalo kunu kaisi nʼamanya owoluganda ngʼali omu kudamba neye nandi nʼamubbeeraku, omuntu oyo ayezya atya okubba nʼokutaka oKibbumba?

Kubiikula 22:16

“Nze oYesu ninze ntumire omalaika wange okubakobera ebintu ebyo inywe abali omu makanisa. Ninze ekikolokolo ekya Dawudi aate era ninze omwizukuluwe abanaabbi ogubatumwireku. Ninze onkota ayaka eino ekibbambya.”