Luuka 1:53 - Bbaibbuli y'oLugwere

⁵³ Abali omu kwetaaga abawaire ebintu ebisa bingi, neye abasuni nʼababbinga nga badambaku akantu konakona.

Luuka 1:53 ပူးပေါင်းရင်းမြစ်များ

EZabbuli 146:7

Alamula mu bwenkanya abo abebagadya, era awa abanzalwa ekyokulya. OMusengwa ateera abasibe,

EZabbuli 34:10

Empologoma igyo egyʼamaani gikayaku ekyokulya enzala nʼegiruma, neye abanoonia oMusengwa, tibadamba ekintu ekisa kyonakyona.

Matayo 5:6

Bʼenkabi abo abanzalwa nʼabʼenyonta okukola oKibbumba ebyataka, olwʼokubba oKibbumba yalibaikutya.

Luuka 1:54

Abbeereire omuweereryawe oIsirairi, ngʼoweyasuubizire abazeiza baiswe.

Luuka 6:21

Muli bʼenkabi inywe enzala abeeruma atyanu, olwʼokubba balibaikutya. “Muli bʼenkabi inywe abali omu maliga atyanu, olwʼokubba mwalisangaala.

Luuka 6:24

“Wobe! Ala inywe abasuni, nga mulabire! Ekyo kityo olwʼokubba inywe mumalire okusuna eisangaalo eryanywe.

Yokaana 6:35

Iye oYesu nʼalangirira ati, “Ninze ekyokulya ekyʼobwomi obwʼomwoyo bwʼomuntu. Era iye aiza egyendi era nʼanjikiririryamu, enzala waire nyonta tiyalimulumaku kadi.”

1 Abʼe Kolinso 1:26

Kale atyanu boluganda mwebukirye ngʼowemwabbaire, oKibbumba oweyabeeteire. Batono kwinywe abantu abebabbaire babona ngʼabʼamalabuki. Era batono kwinywe ababbaire abafugi, era batono kwinywe ababbaire babyale omu bisito byʼekitiisya.

1 Abʼe Kolinso 4:8

Olwo-so atyanu mubona muti mumalire okusuna byonabyona ebimwetaaga? Era mubona muti atyanu dala mugaagawaire ni musuuka ooti bakabaka newankubbaire nga iswe tiniikyo ekituli? Nga nankatakire mubbe nga dala muli bakabaka, kaisi swena abatume tubbe nga tufugira aamo na inywe!

1 Samwiri 2:5

Abo abaalyanga ni baikuta, atyanu bapakasa-bupakasi ekyokulya, neye ababbaire abanzalwa, tibakaali badamba ekyokulya. Eyabbaire abula omwana abyaire musanvu, neye odi eyabyaire abangi, tasigairye kadi moiza.”