Luuka 1:51 - Bbaibbuli y'oLugwere

⁵¹ Alagire obwezyebwe omu byewunyo ebyakola. Abʼamalala omu biseego byabwe, abasalaanicirye.

Luuka 1:51 ပူးပေါင်းရင်းမြစ်များ

ENtandiika 11:8

Kale oMusengwa nʼayaba nʼasalaanicirya abantu abo oku kyalo kyonakyona, era ni balekeraawo okwombeka ekibuga.

ENtandiika 6:5

Atyanu oMusengwa nʼabona ngʼabantu bakola ino ebikole ebibbibibbi oku kyalo. Era nabuli kufumintiriza kwʼemyoyo gyabwe nga kubbikubbi kwereere bulijo.

ENtandiika 8:21

Oluvululu olusa olwʼesadaaka eyo ni lutuuka eeri oMusengwa nʼasiima, era nʼakoba omu mwoyogwe ati, “Tinaliiramu tete okulaama ekyalo olwʼebikole ebibbibibbi abantu ebibakola. Ekyo kityo olwʼokubba okuzwa omu butobuto enseega yʼabantu mbiibbi, kale tinaliiramu tete okusaanyawo nabuli kibbumbe ekiri nʼobwomi, ngʼowenkolere.

EZabbuli 118:15

Owulire okubbookooka okwʼeisangaalo era okwʼobuwanguli omu weema gyʼabatuukirirye, okuti, “Engalo endiiro eya Musengwa ekolere ebyamaani.

EZabbuli 33:10

OMusengwa amalamu amaani ebiteeso byʼabanamawanga, akaisya abantu abo ebibategeka okukola.

EZabbuli 52:9

Nakwebalyanga emirembe gyonagyona, era nakwesiganga olwʼebyo ebyokolere. Nabbutulanga omumaiso gʼabatuukiriryebo ngʼobwoli omusa.

EZabbuli 63:5

Omwoyo gwange gwanogananga ooti muntu aliire ekyokulya ekinoli, era nayembanga nʼeisangaalo okukuwuuja.

EZabbuli 89:10

Wasusungwire oLakabbu nʼafa. Abalabebo wabasalaanicirye ngʼokolesya obwezyebwo obwʼamaani.

EZabbuli 89:13

Iwe oli wʼobwezye ino, engaloyo yʼamaani, engaloyo endiiro bagigulumalyanga.

EZabbuli 98:1

Mwembere oMusengwa olwembo oluyaaka, olwʼokubba akolere ebyewuunyisya; olwʼobwezyebwe nʼamaanige amabitiriri, abawanguliire.

OKuzwa 18:11

Atyanu ntegeire ngʼoMusengwa obwali owʼamaani okukiraku abakibbumba abandi bonabona, olwʼokubba yanunwire abantu abo omu bufugi bwʼaBamisiri ababbaire babajolonga.”

Abʼe Looma 1:21

Newankubbaire nga babbaire bategeera oKibbumba ekyali, tibafiireyo okumuwa ekitiisya ekimusaanira ngʼoKibbumba, waire kadi okumwebalyaku olwʼebyabakolera. Wazira, ibo tete bairire mu kubebenyekera nakimo biseego, nʼemyoyo gyabwe emiwuyaawuya ni gikaapa. Nʼomu ngeri eyo, ni basuukira nakimo kintu ekitagasa.

2 Abʼe Kolinso 10:5

Era ebyo bitukolesya okujigirica empaka era nabuli kintu ekyegulumalya okukaisya abantu okumanya oKibbumba. Era tuwamba enseega gyʼabantu abeediima era ni tubeegesya okugondera oKurisito.

AMateeka 4:34

Ooba, wabbairekuuwo okibbumba ogondi eyabbaire agezeryeku okwaba okwetwalira abantu bʼeigwanga erimo ngʼabatoola aakati omwigwanga erindi, ngʼakolesya ebigezo, nʼobumanyiciryo wʼebyewunyo nʼebyewunyisya, nʼolutalo, nʼobwezye obubitiriri nʼamaani amangi ooba nʼebyentiisya enene, ngʼoMusengwa iye oKibbumba waanywe ebiyabakoleire omu kyalo kyʼe Misiri nga mubona?”

1 Peetero 5:5

Nʼomu ngeri enanyereeyo, na inywe abaikirirya abandi abasigaireyo, mugonderenge abeekubbemberi baanywe, era mubbenge bʼeiwooyo eeri buli muntu nʼomwinaye. Ekyo kityo olwʼokubba eKiwandiike kikoba kiti: “OKibbumba ayakanisya abʼamalala, wazira akwatira ekisa ibo abo abawombeeki.”

Kubiikula 18:8

Nʼolwekyo ebirulumo ebyalikigadya, byalikiizira mu lunaku lumo, ni bireeta enzala, nʼokuyungubala, nʼokufa. Era ekibuga ekyo balikyoca omusyo, olwʼokubba oMusengwa iye oKibbumba iye wʼobwezye akisingisya omusango.”