Luuka 1:30 - Bbaibbuli y'oLugwere

³⁰ Neye omalaika nʼamukoba ati, “Malyamu tiwaatya, olwʼokubba oKibbumba akuwaire enkabi.

Luuka 1:30 ပူးပေါင်းရင်းမြစ်များ

ENtandiika 6:8

Neye oNuwa iye, nʼabba mukoda eeri oMusengwa.

Matayo 14:27

Neye amangu ago oYesu nʼabakoba ati, “Ninze! Timwatya, mwiremu omwoyo.”

Matayo 28:5

Awo omalaika nʼakoba abakali abo ati, “Timwatya, mmaite nti munoonia Yesu ogubakomereire oku musalabba.

Luuka 1:13

Omalaika nʼamukoba ati, “Zakaliya tiwaatya, olwʼokubba oKibbumba awuliire okwegairirakwo; omukaliwo Erizabbeesi yalikubyalira omwana mwisuka, nʼomuwa eriina oti, Yokaana.

Luuka 12:32

“Kale timwatya, nga inywe ekibbula ekityai ekya beegi bange, olwʼokubba oItewaanywe yasiimire era nʼabaikirirya inywe okufugira aamo naye omwigulu.

Bikole 27:24

nʼankoba ati, ‘Pawulo, tiwaatya. Okutaka kwange kuli kuti, oli nʼokwaba e Looma oyemerere omumaiso ga kabaka wʼaBalooma akuwozesye. Kagira oku lulwo, oKibbumba ayaba okulamya abo bonabona abali na iwe omu meeri.’

Abʼe Looma 8:31

Atyanu, owetulingirira ebyo byonabyona oKibbumba ebyatukoleire, niki dala ekitubba tukoba? OKibbumba owaabba oku lubba olwaiswe, niki dala ekyezya okutulwanisya ni kituyinga?

AbʼEbbulaniya 13:6

Niikyo ekigira ni tutumula nʼobugumu tuti, “OMusengwa niiye omubbeeri wange, tinaatyenge. Omuntu ayezya kunkola niki?”