Kubiikula 7:9 - Bbaibbuli y'oLugwere

⁹ Ebyo owebyawoire, ni nningirira, ni mbona oguziima ogwʼabantu abatabalika. Bazwire mu byalo byonabyona, nʼomu mawanga gonagona nʼomu bika byonabyona, nʼomu ntumu gyonagyona. Ni beemerera omumaiso agʼentebe eyʼobwakabaka, nʼomumaiso aga Ntaama oMutomuto wa Kibbumba oguyawaireyo ngʼesadaaka olwʼebibbibibbi byʼabantu. Abantu babbaire bazwaire amaganduula ameeru, nga basangaala era bakwaite nʼensansa egitali nkujuulye.

Kubiikula 7:9 ပူးပေါင်းရင်းမြစ်များ

ENtandiika 13:16

Era nalikuwa abaizukulu bangi ino ni babba tibabalika ooti musenye gwʼoku kyalo.

ENtandiika 49:10

Yuda niiwe owakwatanga omwigo ogwʼobufugi, era omwibyaireryo niimwo omwazwanga abafugi, paka amawanga owegaligondera eibyaireryo. Era niiryo abantu eribagonderanga.

EZabbuli 2:8

Onsabe, nʼakuwa amawanga ni gabba busikabwo nʼekyalo kyonakyona ni kibba matwalego.

EZabbuli 22:27

Abantu omu mawanga gonagona balimanya oMusengwa era baligaluka ni baira egyali. Ebika byonabyona omu byalo byonabyona byalimusinza.

EZabbuli 76:4

Oo Kibbumba, oli wʼekitiisya, era wʼentiisya okukiraku ensozi enene egiriku ebisolo ebibayiiga.

EZabbuli 77:2

Owenabbaire nga ndi omu kabbikabbi, nanoonerye oMusengwa. Nasiirirye engalo gyange engulu nga nsaba obwire bwonabwona amantademba, neye omwoyo gwange gwagaine okwiramu amaani.

EZabbuli 98:3

Ayebukiirye okutakakwe okutakoma nʼobwesigwabwe eeri aBaisirairi. Abantu omu kyalo kyonakyona baboine obununuli bwa Kibbumba waiswe.

ABaleevi 23:40

Oku lunaku olusooka mwanokolanga ebineneka byʼemisaale gyanywe ebikira obusa, era mwatemanga ensansa, nʼamasaga gʼemisaale egiriku ebikoola ebingi, nʼobusaga bwʼobusaale bwʼoku mwiga, ni mujaagaanira omumaiso gange nze oMusengwa iye oKibbumba waanywe okumala enaku musanvu.

Luuka 12:1

Omu kiseera ekinanyere ekyo, abantu nkumi nʼenkumi nga babbiirire e giri oYesu era ni batuuka nʼokwemanganaku, oYesu nʼatandiika okukoba abeegibe ati, “Mwekuume ekizumbulukuca kyʼenjegesya yʼaBafalisaayo, ibwo nago obunanfunsi.

Luuka 21:36

Kale mubbenge beetegeki, era musabenge oKibbumba, kaisi mwezye okuwunuka ebyo byonabyona ebyaba okubbaawo, nʼokwezya okwemerera omumaiso gʼomwana wa Muntu.”

Yokaana 12:13

Awo ni bakwata ensansa egitali nkujuulye, era ni baaba okumwaniriza nga webaceera bati, “Tuwuuje oMusengwa iye oKibbumba! Wʼenkabi iye oyo aiza omu liina lya Musengwa iye oKibbumba! Tumuwuuje iye oyo oKabaka wa Isirairi.”

Abʼe Looma 11:25

Boluganda, ntaka mumanye ekyama kinu, kaisi muleke okwepankapanka. ABaisirairi abamo basigaire nga bakakanyali bʼemyoyo, paka aBatali Bayudaaya bonabona owebalimala okwira eeri oKibbumba.

AbʼEfeeso 6:13

Kale kagira mbakoba nti mukwatenge ebyokulwanisya byonabyona oKibbumba ebyabawa, kaisi olunaku olwʼakabbikabbi owerutuuka mwezye okubba bagumu. Era owemumala okukola byonabyona ebyetaagisya omu kulwanisya oSitaani, kaisi era musigale nga muli bagumu.

AbʼEbbulaniya 11:12

Nʼolwekyo omuntu oyo omoiza oIbbulaimu, newankubbaire nga yabbaire muntu akairiire eino nga takaali ayezya okubyala, yazwiremu abaizukulu bangi ino ooti nkota, era ooti nsenye egitabalika egiri oku mbale mbale kwʼenyanza.

AbʼEbbulaniya 12:22

Neye inywe okubitira omu kwikirirya mwizire ku Lusozi oSayuuni, era mu kibuga kya Kibbumba onanyere obwomi, era mwizire mu Yerusaalemi ekyʼomwigulu, abamalaika enkumi nʼenkumi egibakumbaaniire omwisangaalo.

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 22:3

Eeyo tiwalibbaayo tete kintu oKibbumba ekiyaliraama. Entebe eya Kibbumba eyʼobwakabaka era eya Ntaama oMutomuto wa Kibbumba yaabbanga mu kibuga oomwo, era abaweererya aba Kibbumba bamusinziranga niimwo.

Kubiikula 3:18

Nkuwa amalabuki, onguleku ezaabbu egibalongooseire omu musyo; niibwo obusuni obwʼebintu ebizwa egiri oKibbumba, kaisi osuuke omusuni omu ngeri entuuce. Era onguleku ebizwalo ebyeru ozwale; niibwo obutuukirirye oKibbumba obwagaba, kaisi olame ensoni egyʼokutambula obwere. Onguleku nʼobulezi obwʼokusiiga oku maisogo, kaisi obone kusani ebintu ebifa oku bwomi.

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 5:11

Awo ni nningirira era ni mpulira eigono eryʼabamalaika abangi, enkumi nʼenkumi, obukaire nʼobukaire, nga beeruguuliriirye entebe eyʼobwakabaka nʼebibbumbe ebyomi, nʼabakaire.

Kubiikula 5:9

Ni bemba olwembo oluyaaka nga bakoba bati: “Osaaniire okutoola omuzingo ogwʼekitabo, nʼokumoonolola obuzebbo bwagwo. Ekyo kityo olwʼokubba bakwitire, era olwʼokufaakwo, wanunuliire oKibbumba abantu omu bika byonabyona, nʼomu ntumu gyonagyona, nʼomu bantu bonabona, nʼomu mawanga gonagona,

Kubiikula 6:11

Kale buli moiza kwibo ni bamuwa eganduula enjeru okulaga obuwanguli bwabwe. Era ni babakoba okusigala nga bakuumaku akaseera katyayi kati. Nga bali nʼokukuumaku paka obungi obwʼabaweererya era aboluganda abanaabwe abebabbaire nʼokwita nga ibwo buwoireyo, kaisi basale omusango.

Kubiikula 7:8

Abʼomu kika ekya Zabbulooni 12,000, nʼabʼomu kika ekya Yusufu 12,000, nʼabʼomu ekya Bbenyamini 12,000.