Kubiikula 7:10 - Bbaibbuli y'oLugwere

¹⁰ Ni batumula nʼeigono eryaminkirira bati: “Okulokola kuzwa giri Kibbumba waiswe atyaime oku ntebe eyʼobwakabaka, era nʼoNtaama oMutomuto wa Kibbumba!”

Kubiikula 7:10 ပူးပေါင်းရင်းမြစ်များ

EZabbuli 115:1

Oo Musengwa, iswe titusaanira ekitiisya, iswe titukisaanira, wazira niiwe okisaanira, olwʼokutakakwo okutakoma nʼobwesigwabwo.

EZabbuli 3:8

Musengwa, niiwe onnunula eeri abalabe, era niiwe owa abantubo enkabi.

EZabbuli 37:39

OMusengwa anunula abatuukirirye, era niiye olugaga lwabwe omu biseera ebyʼebigosi.

Yona 2:9

Neye nze, Musengwa, nakwebalyanga omu lwembo ni nkuwa nʼesadaaka. Era ebineeyamanga nabituukiriryanga. Obununuli buzwa eeri niiwe Musengwa.”

Luuka 3:6

Olwo abantu bonabona baaba okubona ngʼoKibbumba owabalokola.’”

Yokaana 1:29

Awo oku lunaku olwairireku, oYokaana nʼabona oYesu ngʼasimba e gyali, kaisi oYokaana nʼakoba ati, “Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ngʼesadaaka okutoolawo ebikole ebibbibibbi ebyʼekyalo.

Yokaana 1:36

Awo nʼabona oYesu ngʼabita, oYokaana nʼakoba abeegibe ati, “Aale mubone oyo aali ooti Ntaama oMutomuto, iye oYesu, oKibbumba oguyalondere okuwaayo!”

Yokaana 4:22

Aale inywe aBasamaaliya timumaite oKibbumba ogumusinza. Neye iswe aBayudaaya tumaite oKibbumba ogutusinza, olwʼokubba oKibbumba akolesya Bayudaaya okulokola abantu.

AbʼEfeeso 2:8

OKibbumba yabalokoire lwʼekisaakye olwa kwikiririrya omu Kurisito oyo. Iye okubalokola tikyazwire kuniinywe, wazira kinu kirabo kya Kibbumba.

Kubiikula 12:10

Ni mpulira omwigulu eigono eryaminkirira, nga likoba liti: “Atyanu oKibbumba waiswe atulokoire. Alagire amaanige, nʼobwakabakabwe, nʼobwezye bwa Kurisitowe, olwʼokubba oodi aloopanga abaganda baiswe, era abaloopa omusana nʼobwire omumaiso ga Kibbumba waiswe, bamubbingire omwigulu.

Kubiikula 19:1

Ebyo owebyawoire, ni mpulira omwigulu eigono eriri ooti lyʼekiyindi kyʼabantu, nga likoba liti: “Muwuuje oKibbumba waiswe, olwʼokubba niiye alokola, era ekitiisya nʼobwezye bibye!

Kubiikula 21:5

Awo oyo atyaime oku ntebe eyʼobwakabaka nʼankoba ati, “Atyanu buli kintu nkiirya buyaaka.” Era nʼankoba ati, “Owandiike ebibono binu ebinjaba okukukoba olwʼokubba bituuce, era mazima.”

Kubiikula 22:3

Eeyo tiwalibbaayo tete kintu oKibbumba ekiyaliraama. Entebe eya Kibbumba eyʼobwakabaka era eya Ntaama oMutomuto wa Kibbumba yaabbanga mu kibuga oomwo, era abaweererya aba Kibbumba bamusinziranga niimwo.

Kubiikula 4:6

Omumaiso gʼentebe eyo, wabbairewo ekiri ooti nyanza eyʼendabirwamu, nga kifaanana nʼeibbaale eriwaasya. Kaisi okweruguulirirya entebe eyo, ku buli lubba lwayo, nga waliyo ebibbumbe ebyomi bina, ngʼomumaiso nʼe nyuma waabyo biizwire amaiso.

Kubiikula 5:7

Awo nʼayaba nʼatoola omuzingo ogwʼekitabo omu ngalo endiiro eyʼoyo atyaime oku ntebe eyʼobwakabaka.