Kubiikula 6:10 - Bbaibbuli y'oLugwere

¹⁰ Ni batumula nʼeigono eryaminkirira bati, “Musengwa oMutukulye era owʼamazima, walituuca di kaisi nʼosalira abantu bʼoku kyalo omusango okubasinga, era nʼobabonereza olwʼokutwita?”

Kubiikula 6:10 ပူးပေါင်းရင်းမြစ်များ

ENtandiika 4:10

OMusengwa nʼamukoba ati, “Niki ekyo ekyokolere? Omusaaye gwʼomugandawo guli kunkungirira nga gusinzirira omwitakali nga gutaka nkubonereze.

EZabbuli 119:84

Nze omuweereryawo naguminkiriza kutuuca di? Walibonereza di abanjiigaania?

EZabbuli 13:1

Oo Musengwa, walituuca di okuneerabira? Ni waneerabirira nakimo? Watuuca di ngʼonkubbira omugongo?

EZabbuli 35:17

Oo Musengwa, walituuca di okulingirira-obulingiriri? Ondamye abalabe abannumba. Onunule obwomi bwange obwʼomugaso eino eeri empologoma egyo.

EZabbuli 79:10

Lwaki oleka abanamawanga okutubuulya bati, “OKibbumba waanywe ali yaina?” Weerage omu banamawanga nga tubona, ngʼonyaaŋa olwʼomusaaye gwʼabaweereryabo ogususukire.

EZabbuli 9:12

Ekyo kityo olwʼokubba oKibbumba Iye anyaaŋa obwiti, ayebukirya abagada, era tiyeebityaku okukunga kwabwe.

Luuka 2:29

“Aale atyanu Musengwa Kibbumba, otuukirirye ekiwasuubizire. Oleke nze omuweereryawo neefeere nakusani omwidembe,

Luuka 21:22

Ekyo kityo olwʼokubba ekiseera ekyo kyalibba kya Kibbumba kunyaaŋa eeri abantu abʼomu kibuga ekyo, era ekyo kyalibba kutuukirirya Biwandiike.

Abʼe Looma 12:19

Batake bange, timunyaaŋanga eeri ababasoberyeku, neye mulekenge oKibbumba iye abbenge niiye anyaaŋa okulwanywe. Era omu Biwandiike, oMusengwa akoba ati: “Okunyaaŋa kwange, ninze nalibasasula.”

AbʼEbbulaniya 12:24

Mwizire giri Yesu oMutabagania omu ndagaano empyaka. Mwizire giri musaaye gwʼokuswankira, ogutumula ebisa okukiraku ogwʼAbberi omwana wʼAdamu.

2 Peetero 2:1

Neye eira wona wabbangawo abanaabbi abʼobubbeyi omu bantu ba Kibbumba, era nʼomu ngeri enanyere eyo mwinywe mwabbangamu abeegesi abʼobubbeyi. Era abantu abo balireeta mwinywe omu mbiso enjegesya etali ntuuce, eyo ejigirica, era balyegaana oMusengwa eyabanunwire, omu kukola ebyo ibo abanyere balyereetera okujigirika mangu.

Kubiikula 11:18

Abantu abataikirirya basunguwaire ino; neye nʼobusungubwo bwizire. Ekiseera kituukire okusalira abafu omusango, nʼokuwa empeera abaweereryabo abanaabbi, nʼabatuukirirye bonabona abakuwa ekitiisya abatobato nʼabakulu. Era ekiseera kituukire okulikirya abo abajigirica ekyalo.”

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 18:24

Mwikyo omusaaye ogwʼabanaabbi nʼogwʼabatuukirirye, nʼerya bonabona abebaitire oku kyalo, niimwo omu balyajiirye.”

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”

Kubiikula 3:10

Ekyo nalikikola olwʼokubba wakwaite ekiragiro kyange ekikoba kiti, “Oguminkirize,” zena nalikulamya omu kiseera ekyʼokukugezesya ekyaba okwiza oku kyalo kyonakyona, okugezesya abo abali oku kyalo.

Kubiikula 3:7

“OMalaika owʼekanisa eyʼomu Firaderufiya omuwandiikire oti: “ ‘Oyo omutukulye era owʼamazima, aali nʼekifunguwo ekya Dawudi, era aigulawo ni watabbaawo kadi moiza ayezya okwigalawo, nʼaigalawo ni watabbaawo kadi moiza ayezya okwigulawo, binu byakoba ati:

ABalamuzi 16:28

Awo oSamusooni nʼasaba oMusengwa ati, “Oo Musengwa iwe oMukulu, onjebukirye! Oo Kibbumba, nkwegairiire ompe amaani omulundi ogundi gumo gwonkani, era onganye nnyaaŋe aBafirisuuti olwʼokuntoolamu amaiso gange gombi!”

1 Samwiri 24:12

OMusengwa asale omusango aakatiwo na nze. OMusengwa niiye abbe anyaaŋe olwʼebyo ebyonkola, neye nze tinalikukolaku kabbikabbi konakona.