Kubiikula 5:8 - Bbaibbuli y'oLugwere

⁸ Oweyagukwaite, ebibbumbe ebyomi ebina nʼabakaire 24 ni bakotama omumaiso ga Ntaama oMutomuto wa Kibbumba. Buli moiza yabbaire nʼotongoli nʼebibya ebyʼezaabbu ebiizwire obubbaani: Obwo bulaga saala egyʼabatuukirirye.

Kubiikula 5:8 ပူးပေါင်းရင်းမြစ်များ

EZabbuli 141:2

Oganye esaala yange etuuke e gyoli ngʼokuduunya kwʼobubbaani, nʼokusiirya engalo gyange omu kusaba kubbe ngʼesadaaka eyʼakanaigulo.

EZabbuli 150:3

Mumuwuuje nga mufuwa ekondeere, mumuwuuje nga mukubba otongoli nʼenkana.

EZabbuli 33:2

Muwuuje oMusengwa nga mumukubbira otongoli, mumwembere oku nkana eyʼenkosi eikumi.

EZabbuli 43:4

Awo kaisi njabe oku kyoto kya Kibbumba, eeri oKibbumba wange iye eisangaalo lyange eribitiriri. Era nakuwuujanga nga nkukubbira otongoli, oo Kibbumba, iwe oKibbumba wange.

EZabbuli 81:2

Mutoolere okwemba, mukubbe akagoma, nʼotongoli avuga okusani nʼenkana.

OKubala 7:62

nʼebbakuli eyʼezaabbu nga yʼegulaamuzi 110 era ngʼeizwire obubbaani,

Yokaana 1:29

Awo oku lunaku olwairireku, oYokaana nʼabona oYesu ngʼasimba e gyali, kaisi oYokaana nʼakoba ati, “Aale mubone oyo aali ooti Ntaama oMutomuto owa Kibbumba, iye oYesu, oKibbumba oguyalondere okuwaayo ngʼesadaaka okutoolawo ebikole ebibbibibbi ebyʼekyalo.

Yokaana 5:23

Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa nʼoIteeye ekitiisya, iye nago eyamutumire.”

AbʼEbbulaniya 1:6

Kaisi tete era, oKibbumba oweyabbaire yatira okusindika oMwanawe omubere oku kyalo, yakobere ati: “Abamalaika ba Kibbumba bonabona bamusinzenge.”

Kubiikula 13:8

Abantu bonabona ababbaire oku kyalo, abo amaliina gaabwe agebatawandiikire omu kitabo ekyʼabantu abali nʼobwomi obutawaawo, okuzwera kimo owebabbumbiire ekyalo, ekitabo ekya Ntaama oMutomuto wa Kibbumba oguyawaireyo ngʼesadaaka, balisinza ogusolo ogwo.

Kubiikula 15:2

Era ni mbona ekiri ooti nyanza eyʼendabirwamu egibatabwiryemu omusyo. Ni mbona nʼabo abagaine okusinza ogusolo nʼekifaananyi kyagwo, nʼokubateekaku enamba etegeeza eriina eryagwo. Babbaire beemereire oku mbale mbale okwʼenyanza eyo eyʼendabirwamu, nga bakwaite amatongoli oKibbumba ageyabawaire.

Kubiikula 15:7

Ekimo oku bibbumbe ebyomi ebina, ni kiwa abamalaika omusanvu ebibya omusanvu ebyʼezaabbu, ebiizwire obusungu bwa Kibbumba onanyere obwomi emirembe nʼemirembe.

Kubiikula 19:4

Abakaire 24, nʼebibbumbe ebyomi ebina, ni bakotama oku mazwi ni basinza oKibbumba atyaime oku ntebe eyʼobwakabaka, nga webakoba bati: “Amiina. Muwuuje oKibbumba!”

Kubiikula 4:10

Ibo abakaire 24 ni bakotama omumaiso gʼoyo atyaime oku ntebe eyʼobwakabaka, omwomi emirembe nʼemirembe, ni bamusinza. Ni bateeka engule gyabwe omumaiso gʼentebe eyo, nga webakoba bati:

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 4:6

Omumaiso gʼentebe eyo, wabbairewo ekiri ooti nyanza eyʼendabirwamu, nga kifaanana nʼeibbaale eriwaasya. Kaisi okweruguulirirya entebe eyo, ku buli lubba lwayo, nga waliyo ebibbumbe ebyomi bina, ngʼomumaiso nʼe nyuma waabyo biizwire amaiso.

Kubiikula 4:8

Buli kimo oku bibbumbe ebyomi ebyo ebina, nga kiri nʼebiyaya mukaaga, era ebibbumbe ebiri nʼobwomi nago nga biizwire amaiso oku mubiri kwonakwona era nʼomu biyaya. Era omusana nʼobwire, anambula kusirikakuumu, nga bideeba biti: “OMutukulye, oMutukulye, oMutukulye, oMusengwa oKibbumba oWabwezye Bwonabwona, eyabbairewo, abbaawo, era aiza kubbaawo!”

Kubiikula 5:11

Awo ni nningirira era ni mpulira eigono eryʼabamalaika abangi, enkumi nʼenkumi, obukaire nʼobukaire, nga beeruguuliriirye entebe eyʼobwakabaka nʼebibbumbe ebyomi, nʼabakaire.

Kubiikula 5:12

Ni batumula nʼeigono eryaminkirira bati: ONtaama oMutomuto wa Kibbumba, iwe ogubaitire, osaaniire okubba nʼobwezye, nʼobusuni, nʼamalabuki, nʼamaani. Era osaaniire ekitiisya, nʼokukugulumalyanga, nʼokukuwuujanga!

Kubiikula 5:14

Ebibbumbe ebyomi ebina ni bikoba biti, “Amiina.” Nʼabakaire 24 ni bakotama ni basinza.

Kubiikula 5:6

Kaisi ni mbona oNtaama oMutomuto wa Kibbumba ngʼaliku obumanyiciryo obulaga buti bamukomereire. Yabbaire ayemereire aakati awabbaire entebe eyʼobwakabaka, ngʼebibbumbe ebyomi ebina, nʼabakaire 24 bamweruguuliriirye. Era yabbaire nʼamaziga musanvu, nʼamaiso musanvu, nga niigyo emyoyo omusanvu egya Kibbumba, egibatumire omu byalo byonabyona.

Kubiikula 6:1

Awo ni mbona oNtaama oMutomuto wa Kibbumba, ngʼamoonolola akamo oku buzebbo omusanvu obwasibire omuzingo. Era ni mpulira ekimo oku bibbumbe ebyomi ebina, nga kitumula omwigono eridudula ooti ikendi ni kikoba omuntu kiti, “Oize!”