Kubiikula 5:11 - Bbaibbuli y'oLugwere

¹¹ Awo ni nningirira era ni mpulira eigono eryʼabamalaika abangi, enkumi nʼenkumi, obukaire nʼobukaire, nga beeruguuliriirye entebe eyʼobwakabaka nʼebibbumbe ebyomi, nʼabakaire.

Kubiikula 5:11 ပူးပေါင်းရင်းမြစ်များ

EZabbuli 103:20

Muwuuje oMusengwa inywe abamalaikabe abʼamaani, inywe abagondera ebiragirobye, era abagondera ebyakoba.

EZabbuli 148:2

Mumuwuuje inywe abamalaikabe nywenanywena, mumuwuuje inywe amajeege gonagona agʼomwigulu.

EZabbuli 68:17

OMusengwa azwa oku lusozi oSinaayi nʼenkumi nʼenkumi gyʼebigaali byʼamaje, nʼaiza omu Weemaye.

AMateeka 33:2

Yakobere ati, “OMusengwa yaizire e gituli ngʼazwera oku Lusozi oSinaayi, nʼazwayo ooti isana nʼatubonekera ngʼazwera omu Seiri; nʼayaka ooti isana ngʼasinzirira oku Lusozi oPalani. Yaizire nʼemitwalo gyʼabatuukirirye, oku ngaloye endiiro kwabbaireku omusyo ni gutwakira.

AbʼEbbulaniya 12:22

Neye inywe okubitira omu kwikirirya mwizire ku Lusozi oSayuuni, era mu kibuga kya Kibbumba onanyere obwomi, era mwizire mu Yerusaalemi ekyʼomwigulu, abamalaika enkumi nʼenkumi egibakumbaaniire omwisangaalo.

Yuda 1:14

Era oku basomesya abanyere abo nago Enoka owʼekizukulu kyomusanvu okuzwera nakimo okwAdamu, beyalagwireku oweyakobere ati, “Aale mubone oMusengwa oYesu aiza nʼenkumi nʼenkumi gyʼabamalaikabe abatukulye,

Kubiikula 19:6

Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 4:6

Omumaiso gʼentebe eyo, wabbairewo ekiri ooti nyanza eyʼendabirwamu, nga kifaanana nʼeibbaale eriwaasya. Kaisi okweruguulirirya entebe eyo, ku buli lubba lwayo, nga waliyo ebibbumbe ebyomi bina, ngʼomumaiso nʼe nyuma waabyo biizwire amaiso.

Kubiikula 5:14

Ebibbumbe ebyomi ebina ni bikoba biti, “Amiina.” Nʼabakaire 24 ni bakotama ni basinza.

Kubiikula 5:6

Kaisi ni mbona oNtaama oMutomuto wa Kibbumba ngʼaliku obumanyiciryo obulaga buti bamukomereire. Yabbaire ayemereire aakati awabbaire entebe eyʼobwakabaka, ngʼebibbumbe ebyomi ebina, nʼabakaire 24 bamweruguuliriirye. Era yabbaire nʼamaziga musanvu, nʼamaiso musanvu, nga niigyo emyoyo omusanvu egya Kibbumba, egibatumire omu byalo byonabyona.

Kubiikula 5:8

Oweyagukwaite, ebibbumbe ebyomi ebina nʼabakaire 24 ni bakotama omumaiso ga Ntaama oMutomuto wa Kibbumba. Buli moiza yabbaire nʼotongoli nʼebibya ebyʼezaabbu ebiizwire obubbaani: Obwo bulaga saala egyʼabatuukirirye.

Kubiikula 7:11

Abamalaika bonabona babbaire beemereire, nga beeruguuliriirye entebe eyʼobwakabaka nʼabakaire badi 24 abʼekitiisya, nʼebibbumbe ebyomi ebina. Awo ni bakotama oku mazwi omumaiso gʼentebe eyʼobwakabaka, okuwa oKibbumba ekitiisya ni bamusinza,

Kubiikula 9:16

Ni wabbaawo eyankobeire obungi obwʼamaje agʼabo abatyaime oku mbalaasi ati: Babbaire 200,000,000.