Kubiikula 4:10 - Bbaibbuli y'oLugwere

¹⁰ Ibo abakaire 24 ni bakotama omumaiso gʼoyo atyaime oku ntebe eyʼobwakabaka, omwomi emirembe nʼemirembe, ni bamusinza. Ni bateeka engule gyabwe omumaiso gʼentebe eyo, nga webakoba bati:

Kubiikula 4:10 ပူးပေါင်းရင်းမြစ်များ

EZabbuli 115:1

Oo Musengwa, iswe titusaanira ekitiisya, iswe titukisaanira, wazira niiwe okisaanira, olwʼokutakakwo okutakoma nʼobwesigwabwo.

EZabbuli 47:8

OKibbumba afuga amawanga gonagona, ngʼatyaime oku ntebeye eyʼobwakabaka entukulye.

EZabbuli 72:11

Abakabaka bonabona bakotamyenge emitwe gyabwe omumaisoge, abantu abʼamawanga gonagona bamuweereryenge.

EZabbuli 95:6

Mwize tukotame era tusinze, tukome amazwi omumaiso ga Musengwa, eyatubbumbire.

Matayo 2:11

Kale abasaiza abo owebatuukire ni baingira omu nyumba eyo, era ni babona omwana ngʼali nʼomaaye oMalyamu, bakomere amazwi ni basinza omwana oyo. Awo ni basibindula emigangi gyabwe, era ni bamutonera ebirabo. Bamutoneire ezaabbu, nʼobubbaani nʼebyakaloosa ebibeeta miira.

Luuka 24:52

Kale awo ni bamusinza kaisi ni bakanga e Yerusaalemi nga bʼasangaala ino.

1 Abʼe Kolinso 15:10

Neye ekisa kya Kibbumba, niikyo ekinsuucirye okubba kinu ekyendi, era ekisa ekiyankwatiire tikyafiire bwereere. Era tete nakolere ino ngʼomutume wa Kurisito okukiraku abatume abandi bonabona. Neye era nga tininze nkola, wazira ekisa kya Kibbumba ekiri na nze.

AMateeka 32:40

Nsiirya engalo yange eeri eigulu nga ndayira nti, mazima ngʼowendi mwomi emirembe gyonagyona,

Kubiikula 10:6

Omalaika oyo nʼalayira omu liina lya Kibbumba oyo abba omwomi emirembe nʼemirembe, eyabbumbire eigulu nʼebirimu byonabyona, nʼekyalo nʼebirimu byonabyona, nʼenyanza nʼebirimu byonabyona. Omalaika oyo nʼakoba ati, “Tiwakaali waliwo okukuumirira kwonakwona.

Kubiikula 11:16

Awo abakaire 24 abatyama omumaiso aga Kibbumba, oku ntebe gyabwe egyʼobwakabaka, ni bakotama oku mazwi, ni basinza oKibbumba,

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”

Kubiikula 15:7

Ekimo oku bibbumbe ebyomi ebina, ni kiwa abamalaika omusanvu ebibya omusanvu ebyʼezaabbu, ebiizwire obusungu bwa Kibbumba onanyere obwomi emirembe nʼemirembe.

Kubiikula 19:4

Abakaire 24, nʼebibbumbe ebyomi ebina, ni bakotama oku mazwi ni basinza oKibbumba atyaime oku ntebe eyʼobwakabaka, nga webakoba bati: “Amiina. Muwuuje oKibbumba!”

Kubiikula 4:2

Amangu ago oMwoyo oMutukulye nʼantoola aawo, ni mbona entebe eyʼobwakabaka egibateekere omwigulu, era ngʼoku ntebe eyo kuliku agityaimeku.

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 4:9

Ebibbumbe ebyomi ebina, buli owebyawanga bityo ekitiisya oyo atyaime oku ntebe eyʼobwakabaka, era omwomi, ni bimuwuuja era emirembe nʼemirembe ni bimwebalya.

Kubiikula 5:14

Ebibbumbe ebyomi ebina ni bikoba biti, “Amiina.” Nʼabakaire 24 ni bakotama ni basinza.

Kubiikula 5:8

Oweyagukwaite, ebibbumbe ebyomi ebina nʼabakaire 24 ni bakotama omumaiso ga Ntaama oMutomuto wa Kibbumba. Buli moiza yabbaire nʼotongoli nʼebibya ebyʼezaabbu ebiizwire obubbaani: Obwo bulaga saala egyʼabatuukirirye.

Kubiikula 7:11

Abamalaika bonabona babbaire beemereire, nga beeruguuliriirye entebe eyʼobwakabaka nʼabakaire badi 24 abʼekitiisya, nʼebibbumbe ebyomi ebina. Awo ni bakotama oku mazwi omumaiso gʼentebe eyʼobwakabaka, okuwa oKibbumba ekitiisya ni bamusinza,