Kubiikula 3:19 - Bbaibbuli y'oLugwere

¹⁹ “ ‘Nze bonabona abentaka mbanenya era mbagolola kaisi beeyongere okubba abasa. Kale weefudeku, weenenye.

Kubiikula 3:19 ပူးပေါင်းရင်းမြစ်များ

2 Samwiri 7:14

Nalibba iteeye, iye nʼabba mwana wange. Oweyakolanga ekitali ekituuce, namukangavulanga nʼomwigo ogubakangavulira abantu, nʼofaalu ogubafaamuulira abantu.

EZabbuli 39:11

Owobonereza omuntu ngʼomunenya olwʼebibbibibbibye, ojigirica ebyataka ooti kiwuuka niikyo ekibiriire. Dala nabuli muntu mwota-woota.

EZabbuli 6:1

Oo Musengwa, tiwannenyera omu busungubwo, waire kumbonerezera omu bulwabwo.

EZabbuli 69:9

olwʼokubba okutaka eino enyumbayo kummalisyawo, nʼabantu ebibakuduula, biira ku ninze.

EZabbuli 94:10

Iye oyo anenya abanamawanga tabonereza? Iye oyo ayegesya abantu amalabuki mpaawo ekyamaite?

ENgero 15:10

Iye oyo aleka enzira entuuce balimukangavulira nakimo bundi, oyo acaawa okumunenya yalifa.

ENgero 15:32

Iye oyo agaana okumulaabbira, abba yeenyooma niiye onanyere, neye aikirirya okumunenya, asuna okumanya.

ENgero 22:15

Obusirusiru bubba omu mwoyo gwʼomwana omutomuto, neye okumubonereza nʼakaswanyuswanyu, kumubutoolamu.

Matayo 25:7

Kale awo abaala bonabona eikumi ni balamuka, ni bakwania amataala gaabwe gaake kusani.

Yokaana 2:17

Awo abeegi ba Yesu ni beebukirya bati bakiwandiikire bati, “Okutaka eino enyumbayo, Musengwa Kibbumba, kwalimmalisyawo.”

Abʼe Looma 12:11

Mubbenge bʼeiganyi omu bimukola, timwabbanga bagayaali. Mwewengeyo nʼamaani gonagona omu kuweererya oMusengwa.

1 Abʼe Kolinso 11:32

Neye oMusengwa iye oKibbumba owatusalira omusango atugolola, kaisi oku nkomerero omusango tigwatusingira aamo nʼekyalo.

2 Abʼe Kolinso 6:9

Kaisi batutwala ooti bantu abatali bamanye, neye nga tuli bamanye kusani. Era batutwala ooti bantu abafiire, neye aate nga dala tuli boomi. Era ni tubba nga batugadya, neye era nga tibatwita.

2 Abʼe Kolinso 7:11

Aale mubone okunakuwala okwo oKibbumba okwasiima ebikwabaleeteire: Eiganyi lyʼokukola ebisa, era nʼokwewozyaku. Ekyo kityo olwʼokubba inywe mwanyiigire olwa woluganda eyakolere ekikole ekibbikibbi, era inywe ni mweraliikirira muti demba oKibbumba nʼababonereza. Era kwabaleeteire inywe nʼokwegomba ino okumbona, era nʼokwewaayo eeri oKibbumba, era nʼokubba beetegeki okubonereza oyo eyakolere ekikole ekibbikibbi. Mu byonabyona ebyo mulagire muti mpaawo ekibabavunaana.

Abʼe Galatiya 4:18

Tingaine, kisa owemubba nʼeiganyi okukola ebintu. Neye kitaka ebintu ebimuteekaku eiganyi ni bibba bintu ebisa era ni mubiteekaku eiganyi omu biseera byonabyona; abba nga ndi na inywe ooba nga mbulawo.

AMateeka 8:5

Era mukimanye omu myoyo gyanywe muti ngʼomuntu owaagolola omwanawe, oMusengwa iye oKibbumba waanywe atyo wabagolola inywe.

Tito 2:14

OKurisito yeewaireyo okufa okulwaiswe kaisi atununule omu bibbibibbi byaiswe byonabyona, atusuuce abantube abakenene omu myoyo, era abamaliriire okukolanga ebintu ebisa ebyataka.

Yaakobbo 1:12

Yeesiimire ino omuntu oyo aguminkiriza omu kiseera kyʼokumukema, olwʼokubba oweyalimala okuwangula, balimuwa obwomi oKibbumba obuyasuubizire abamutaka ngʼengule yʼobuwanguli.

Kubiikula 2:5

Aale oyebukirye egiwagwire nʼozwa omu bwomi obutuukiriire era weenenye, okole ebiwakolanga oku ntandiika. Ewatenenye, njaba kwiza egyoli, nkubonereze nga ntoolawo ekikondokyo ekyʼeitaala omu kifo kyakyo.