Kubiikula 3:18 - Bbaibbuli y'oLugwere

¹⁸ Nkuwa amalabuki, onguleku ezaabbu egibalongooseire omu musyo; niibwo obusuni obwʼebintu ebizwa egiri oKibbumba, kaisi osuuke omusuni omu ngeri entuuce. Era onguleku ebizwalo ebyeru ozwale; niibwo obutuukirirye oKibbumba obwagaba, kaisi olame ensoni egyʼokutambula obwere. Onguleku nʼobulezi obwʼokusiiga oku maisogo, kaisi obone kusani ebintu ebifa oku bwomi.

Kubiikula 3:18 ပူးပေါင်းရင်းမြစ်များ

EZabbuli 107:11

olwʼokujeemera ebiragiro bya Kibbumba, nʼokunyooma okusisiitira kwʼoNambulaku aMwagaagana.

EZabbuli 16:7

Nawuujanga oMusengwa oyo annungamya, nʼobwire omwoyo gwange gunjegesya.

EZabbuli 32:8

OMusengwa akoba ati, “Nakuleegeranga era ni nkwegesyanga enzira egiwakwatanga. Nakulungamyanga era ni nkulabiriranga.

EZabbuli 73:24

Onnuŋamya ngʼonjegesya, era oluzwanyuma walinjaniriza omu kifo ekyʼekitiisya.

ENgero 1:25

olwʼokubba timwateekereyo omwoyo oku kulungamya kwange kwonakwona, era nandi mwikirirya okunenya kwange,

ENgero 1:30

ngʼowebataikiriirye okulungamya kwange, era ni banyooma okunenya kwange,

ENgero 19:20

Owulisisyenge ebibakulaabbira, era oikiriryenge okukulungamya, era egibwiza walibba mulabuki.

ENgero 23:23

Ogulenge amazima neye tiwagatundanga; osunenge amalabuki, nʼokukulungamya nʼobutegeeri.

Matayo 13:44

Awo oYesu tete nʼabagerera olugero olundi ati, “Obwakabaka bwʼomwigulu tubufaananiaku nʼekyobusuni omuntu ekiyabisire omu musiri, kaisi omuntu ogondi nʼakivumbula era yena nʼakibisa awandi tete. Era olwʼeisangaalo eringi eriyabbaire nalyo nʼayaba nʼatunda ebintubye byonabyona ebiyabbaire nabyo, nʼagula omusiri ogwo.”

Matayo 25:9

Neye ibo badi abalabukirabuki ni bairamu bati, ‘Amafuta matono tigatumale iswe na inywe. Wazira, mwabe e gibagatunda, mugule agaanywe.’

Luuka 12:21

Kale niiye omuntu owaabba atyo iye ayeebisira ebyobusuni, aate nga timusuni omumaiso ga Kibbumba.”

2 Abʼe Kolinso 5:3

Twegomba okuzwala emibiri oKibbumba egiyalituwa olwʼokubba oweyaligituzwalisya titwalibba bwere.

2 Abʼe Kolinso 8:9

Inywe mumaite muti oMusengwa waiswe oYesu Kurisito wʼekisa kinene. Newankubbaire yabbaire musuni, yasuukire muntu omudoobi okulwanywe, kaisi olwʼobudoobibwe ayezye okubasuuca inywe basuni.

1 Temuseewo 6:18

Basaaniire okukolanga ebintu ebisa, kaisi basuuke abasuni omu bisa ebibakola, era basuuke abʼekisa era abagabi.

Yaakobbo 2:5

Muwulire, boluganda abatake eino! Abadoobi omu byʼomu kyalo kinu oKibbumba tiniibo abeyalondere okubba abasuni omu kwikirirya, era nʼokusuna obwakabaka obuyasuubizire abamutaka?

1 Peetero 1:7

Okubagezya okwo, kwizire kaisi olwo okwikirirya kwanywe kubbe kwʼamazima, era kaisi oomwo muzwemu inywe okusuna okubawuuja, nʼokubagulumalya nʼekitiisya, oYesu Kurisito ngʼabonekere. Ekikoba kiti, okwikirirya kwanywe nago ikwo kwʼebbeeyi eyʼamaani okukiraku eyo eyʼezaabbu iyo ejigirika, waire nga bagisaanucirye nʼomusyo kaisi bagikenena.

Kubiikula 16:15

OMusengwa akoba ati, “Obone njiza ooti mwibbi. Mwegendereze engeri egimutambulamu, mwegumirye omu bwomi obutuukiriire kaisi owenaliira timwabbaaku nʼekimufiirwa. Wʼenkabi oyo akola atyo.”

Kubiikula 19:8

Omugole wa Ntaama oMutomuto bamwikiriirye okuzwala ebizwalo ebya lineni omusa eino, era ebimirikiinya.” Omugole oyo niibo abatuukirirye, nʼebizwalo ebya lineni omusa eino ibyo niibyo ebikole byabwe ebyobutuukirirye.

Kubiikula 2:9

Mmaite okugadakwo, era omu byobusuni bwʼomu kyalo oboneka ooti oli mudoobi, neye omu bya mwoyo nkubona ngʼoli musuni. Mmaite nʼebizumi abo abeeyeta aBayudaaya ebibakuzumire, neye nga tiBayudaaya, wazira basengereri ba Sitaani.

Kubiikula 3:17

Iwe okoba oti, “Ndi musuni, ndi nʼebintu bingi, mbulaku ekindamba.” Neye nga tomaite oti oli nkudawu asaaniire kukusaasira. Nkubona ngʼoli mudoobi, era omwofu, era aali obwere.

Kubiikula 4:4

Era okweruguulirirya entebe eyʼobwakabaka, wabbairewo amantebe agandi 24. Okwo abakaire 24 babbaire batyaimeku era nga bazwaire ebizwalo ebyeru, nʼoku mitwe gyabwe nga kuliku engule egyʼezaabbu.

Kubiikula 7:13

Awo omoiza oku bakaire nʼambuulya ati, “Aale iwe omaite abantu abo abazwaire amaganduula ameeru waire egibazwa?”