Kubiikula 3:17 - Bbaibbuli y'oLugwere

¹⁷ Iwe okoba oti, “Ndi musuni, ndi nʼebintu bingi, mbulaku ekindamba.” Neye nga tomaite oti oli nkudawu asaaniire kukusaasira. Nkubona ngʼoli mudoobi, era omwofu, era aali obwere.

Kubiikula 3:17 ပူးပေါင်းရင်းမြစ်များ

ENtandiika 3:7

Awo amaiso gaabwe bombi ni gaiguka, ni beetegeera nga babbaire bwere era ni batunga ebikoola byʼemisaale ni beesiba.

OKuzwa 32:35

Era oMusengwa nʼabonereza abantu, olwʼokubba basinzire ekifaananyi kya nyana, Alooni ekiyabbumbire.

ENgero 13:7

Waliwo eyeeraga ngʼomugaiga, neenu mudoobi yeeyagira lujo; nʼogondi ni yeeraga ngʼomudoobi, neenu mufeekeeri.

ENgero 30:9

Nga tikiikyo, amo-so nimba na bibitiriri ino ni nakwegaana ni nkoba nti, ‘OMusengwa-so niiye onaani?’ Ooba ni mba mudoobi ni ntuuka nʼokwibba, ni nswaza eriinalyo Kibbumba wange.”

Matayo 5:3

“Bʼenkabi abadoobi omu bwomi bwabwe obwʼomwoyo olwʼokubba abo obwakabaka bwʼomwigulu ibwo bwabwe.

Matayo 9:12

Neye oYesu oweyawuliire ekyo, nʼakoba ati, “Aboomi tibeetaaga omusawo, wazira abalwaire.

Luuka 1:53

Abali omu kwetaaga abawaire ebintu ebisa bingi, neye abasuni nʼababbinga nga badambaku akantu konakona.

Luuka 6:24

“Wobe! Ala inywe abasuni, nga mulabire! Ekyo kityo olwʼokubba inywe mumalire okusuna eisangaalo eryanywe.

Abʼe Looma 11:20

Kityo wekiri, bagamogoireku lwa butaikirirya oKurisito bwago, neye iwe ekikwemereiryewo niikwo okwikirirya oKurisito. Nʼolwekyo tiwewaana, wazira ootye era weekuume.

Abʼe Looma 11:25

Boluganda, ntaka mumanye ekyama kinu, kaisi muleke okwepankapanka. ABaisirairi abamo basigaire nga bakakanyali bʼemyoyo, paka aBatali Bayudaaya bonabona owebalimala okwira eeri oKibbumba.

Abʼe Looma 12:3

Olwʼobuweererya oKibbumba obuyampaire olwʼekisaakye, nkoba buli moiza kwinywe nti tasaaniire kwetwala ngʼomuntu owʼangulu eino. Wazira yeeseegengeku mu ngeri esaanira, era yeerolecenge okusinzirira oku kipimo kyʼokwikirirya, oKibbumba okuyamuwaire.

Abʼe Looma 7:24

Nga ndabire! Naani eyalintaisulya okuzwa eeri eifuge lyʼomubiri, eriri kuntwala mu kufa?

2 Peetero 1:9

Neye singa omuntu yenayena adamba ebyo, abba ooti muntu abona kumpi ooba omwofu, era abba yeerabiire ngʼebibbibibbibye ebyʼeira oKibbumba yabimusoniyire.

Kubiikula 16:15

OMusengwa akoba ati, “Obone njiza ooti mwibbi. Mwegendereze engeri egimutambulamu, mwegumirye omu bwomi obutuukiriire kaisi owenaliira timwabbaaku nʼekimufiirwa. Wʼenkabi oyo akola atyo.”

Kubiikula 2:9

Mmaite okugadakwo, era omu byobusuni bwʼomu kyalo oboneka ooti oli mudoobi, neye omu bya mwoyo nkubona ngʼoli musuni. Mmaite nʼebizumi abo abeeyeta aBayudaaya ebibakuzumire, neye nga tiBayudaaya, wazira basengereri ba Sitaani.

Kubiikula 3:16

Neye olwʼokubba oli awo kyotakyota; toli muwolondoki aate toli muyo, njaba okukwandula ozwe omu munwa gwange.