Kubiikula 22:5 - Bbaibbuli y'oLugwere

⁵ Obwire tibwaliirayo kwirugala, era tibalyetaaganga kitangaala kyʼeitaala, waire ekyʼeisana, olwʼokubba oMusengwa iye oKibbumba niiye eyaabbanga ekitangaala kyabwe. Era, abaweereryabe bafuganga emirembe nʼemirembe.

Kubiikula 22:5 ပူးပေါင်းရင်းမြစ်များ

EZabbuli 36:9

Ekyo kityo olwʼokubba niiwe onanzwa wʼobwomi, era omu kitangaalakyo mutwezyerya okubona ekitangaala.

EZabbuli 84:11

Ekyo kityo olwʼokubba oMusengwa niiye eisana era engabo. OMusengwa atulaga ekisa era nʼatuwa nʼekitiisya. Mpaawo kintu ekisa ekyaima abo abatambulira omu bwomi obunambulaku ekyokubunenya.

Matayo 19:28

OYesu nʼabakoba ati, “Mbakobera amazima nti oMwana wa Muntu oweyalityama oku ntebeye eyʼekitiisya, ngʼoKibbumba amalire okwirya buli kintu buyaaka, nywena abatambula na nze, mwalityama oku ntebe egyʼobufugi eikumi na ibiri, ni musalira ebika eikumi na bibiri ebya Isirairi emisango.

Matayo 25:34

“Awo oKabaka ngʼatyaime oku ntebeye nago, yalikoba abo abalibba oku lubba lwʼengalo endiiro ati, ‘Inywe oBbaabba abeyawaire enkabi, mwize mubbe omu bwakabaka obwebabategekeire okuzwa owebabbumbiire ekyalo.

Matayo 25:46

“Kale abo balibasindika oku kibonerezo ekitawaawo. Neye abatuukirirye balyaba mu bwomi obutawaawo.”

Abʼe Looma 5:17

Atyanu, obanga olwʼokubbenga kwa muntu omoiza oyo abantu bonabona bafa, kaisi tete kyalibba kitya owekituuka kwabo oKibbumba abeyakwatiire ekisa ekibitiriire nʼabawa ekirabo ekyʼokubasiima, okubitira omu muntu omoiza, oYesu Kurisito. Bonabona balibba boomi.

2 Temuseewo 2:12

Owetuguminkirizira aamo naye, twalifugira aamo naye. Owetumwegaana, yena yalitwegaana.

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 18:23

Ekitangaala ekyʼeitaala tikyaliirayo kuboneka mwiwe. Waire eigono eryʼaleeta omukali omugole nʼeryʼaibaaye tiryaliirayo okuwulikika mwiwe. Abasuubuuzibo babbaire bakulu ino omu kyalo, era obulogobwo bwabbeyabbeyere amawanga gonagona!

Kubiikula 20:4

Awo ni mbona amantebe agʼobwakabaka, ngʼabagatyaimeku babawaire obwezye okusala emisango. Era ni mbona emyoyo egyʼabo abebatemereku emitwe nga babalanga okukalangukira oku Yesu, nʼoku kibono ekya Kibbumba. Niibo abo abatasinzire ogusolo, ooba ekifaananyi kyagwo, era abataikiriirye okubateekaku eraama yaagwo oku mpumi gyabwe, nʼoku ngalo gyabwe. Abantu abo bairiremu okubba aboomi, ni bafugira aamo nʼoKurisito emyanka 1,000.

Kubiikula 20:6

Bʼenkabi era batukulye abo abalizuukira omu kuzuukira okwo okusooka. Abo okufa okwokubiri kubabulaku bwezye, wazira balibba bakabona ba Kibbumba era ba Kurisito, era balifugira aamo naye emyanka 1,000.

Kubiikula 21:11

OKibbumba yakiwaire okumirikiinya ooti ibbaale ojasipa, eibbaale eryʼebbeeyi eino era eriwaasya.

Kubiikula 3:21

“ ‘Oyo awangula amaani ga Sitaani, nalimwikirirya okutyama aamo na nze oku ntebe eyange eyʼobwakabaka, nga zena owenawangwire, ni ntyama aamo nʼoBbaabba oku ntebeye eyʼobwakabaka.