Kubiikula 21:7 - Bbaibbuli y'oLugwere

⁷ Oyo awangula amaani aga Sitaani nalimuwa ebyo byonabyona era naabbanga Kibbumbawe, era yena yaabbanga mwana wange.

Kubiikula 21:7 ပူးပေါင်းရင်းမြစ်များ

ENtandiika 17:8

Era nalikuwa iwe nʼeibyaireryo eryaliirawo ekyalo kyonakyona ekyʼe Kanani ekyolimu ngʼomugeni, ni kibba kikyo nʼeibyaireryo emirembe nʼemirembe. Era nze, naabbanga Kibbumba wʼeibyaireryo.”

2 Samwiri 7:14

Nalibba iteeye, iye nʼabba mwana wange. Oweyakolanga ekitali ekituuce, namukangavulanga nʼomwigo ogubakangavulira abantu, nʼofaalu ogubafaamuulira abantu.

EZabbuli 89:26

Yankobanga ati, ‘Niiwe oBbaabba era oKibbumba wange, niiwe eIbbaale lyange omu neebisa era omununuli wange.’

ENgero 3:35

Abʼamalabuki balibba bʼekitiisya, neye abasirusiru baliswala-buswali.

Matayo 19:29

Era buli muntu eyalekere ekisitokye ooba abagandabe, ooba aboonyokobe ooba oiteeye ooba omaaye ooba abaanabe, ooba ebigonabye okulwange, yalisuna emirundi 100, ni bamuwa nʼobwomi obutawaawo.

Matayo 25:21

Kale omusengwawe nʼamukoba ati, ‘Weebale ino iwe omugalama omusa era omwesigwa. Ngʼowoobbaire omwesigwa omu bintu ebitono, njaba okukuwa obwezye oku bintu bingi. Era oingire ojaagaanire aamo nʼomusengwawo.’

Matayo 25:34

“Awo oKabaka ngʼatyaime oku ntebeye nago, yalikoba abo abalibba oku lubba lwʼengalo endiiro ati, ‘Inywe oBbaabba abeyawaire enkabi, mwize mubbe omu bwakabaka obwebabategekeire okuzwa owebabbumbiire ekyalo.

Maako 10:17

Awo oYesu oweyabbaire ngʼatandiika olugendolwe, omusaiza nʼaiza e gyali ngʼairuka, nʼakoma amazwi omumaisoge, nʼamubuulya ati, “Musomesya omusa, niki ekinteekwa okukola okusuna obwomi obutawaawo?”

Abʼe Looma 8:14

Abo bonabona abatambulira oku kulungamya kwa Mwoyo wa Kibbumba niibo abaana ba Kibbumba.

Abʼe Looma 8:19

Ibyo ebibbumbe byonabyona bijunjumiriire ino nga bikuumiriire oKibbumba alage ati abaanabe niibo banu.

2 Abʼe Kolinso 6:16

Era eYeekaalu ya Kibbumba ebbaamu eetya ebifaananyi? Iswe tuli Yeekaalu ya Kibbumba onanyere obwomi eyakobere ati: “Naabbanga mu niibo, era natambulanga nabo. Naabbanga Kibbumba waabwe, era bona baabbanga bantu bange.”

2 Abʼe Kolinso 6:18

Nalibba Itewaanywe, era inywe mwalibba bataane bange nʼabaala bange. Atyo oMusengwa iye oKibbumba oWabwezye Bwonabwona waakoba.”

AbʼEbbulaniya 8:10

“Era oMusengwa alangirira ati, eenu niiyo endagaano eginalikola nʼaBaisirairi enaku egyo owegyalituuka. Naliteeka aMateeka gange omu biseego byabwe. Era naligawandiika omu myoyo gyabwe. Nalibba Kibbumba waabwe, bona ni babba bantu bange.

1 Peetero 3:9

Era abantu owebababityanga okubbikubbi tete nywena timubasasulangamu nʼokubabitya kubbikubbi, ooba ababazumire, inywe timwabazumanga, wazira mubasabirenge nkabi. Ekyo kityo olwʼokubba ekyo niikyo ekibabeeteire, kaisi olwo musune enkabi oKibbumba egiyabasuubizire.

Kubiikula 2:11

“ ‘Ali nʼamatwi, awulire ekyo oMwoyo oMutukulye ekyakoba amakanisa. Oyo awangula amaani ga Sitaani, okufa okwokubiri, okwa musyo ogutalikira emirembe nʼemirembe, tikwalimukolaku kabbikabbi konakona.’ ”

Kubiikula 2:17

“ ‘Ali nʼamatwi, awulire oMwoyo oMutukulye ekyakoba amakanisa. Oyo awangula amaani aga Sitaani, nalimuwa oku kyokulya ekibise. Era nalimuwa eibbaale eryeru, eribawandiikireku eriina eriyaaka, omuntu ogondi yenayena eryatamaite, okutoolaku oyo alisuna.’ ”

Kubiikula 2:25

Wazira mukikalangule ekyo ekimuli nakyo paka owenaliiza.

Kubiikula 2:7

“Ali nʼamatwi, awulire oMwoyo oMutukulye ekyakoba amakanisa. Oyo awangula amaani ga Sitaani, nalimuwa obwezye okulya oku bineneka byʼomusaale ogwʼobwomi obutawaawo, oguli omu kifo ekyokwesiima ekya Kibbumba.”

Kubiikula 21:3

Ni mpulira eigono eryaminkirira nga litumulira awali entebe eyʼobwakabaka, nga likoba liti, “Obone, atyanu obutyami bwa Kibbumba buli mu bantu, era yaabbanga nabo. Baabbanga bantube, era oKibbumba onyere yaabbanga nabo, nga niiye oKibbumba waabwe.

1 Samwiri 2:8

Asetula abadoobi nʼabatoola omu nkungu era asetula abadamba nʼabatoola oku kibbomboizi; abatyamisya aamo nʼabakungu, nʼabateeka omu bifo ebyʼekitiisya.” “Ekyo kityo olwʼokubba emisingi gyʼekyalo gya Musengwa; era okwo ku yateekere ekyalo.