Kubiikula 21:4 - Bbaibbuli y'oLugwere

⁴ Era yalibaaliirya nʼamalawo obutaki bwonabwona obwabatuukireku. Era walibba nga tiwakaali waliwo okufa, nga tiwakaali waliwo okuyungubala, ooba okukunga, waire obulumi, olwʼokubba olwo ebyʼeira byalibba biwoirewo.”

Kubiikula 21:4 ပူးပေါင်းရင်းမြစ်များ

EZabbuli 144:4

Omuntu abbaawo kaseera-buseera ooti mwota; enakugye ntono ooti kiiriirye ekigotawo mangu.

Matayo 24:35

Eigulu nʼekyalo byaliwaawo, neye ebibono byange tibyaliwaawo kadi naire.”

1 Abʼe Kolinso 15:26

Era omulabewe oguyalisembesyayo okujigirica, niiye oKufa.

1 Abʼe Kolinso 7:31

Era nʼabo abakolesya ebintu byʼoku kyalo kunu, babbe nga tibeemalira mu niibyo. Ekyo kityo olwʼokubba ekyalo kinu ngʼowekiri atyanu kyaliwaawo.

2 Abʼe Kolinso 5:17

Kale atyanu omuntu yenayena owaabba ekintu ekimo nʼoKurisito, abba kibbumbe kiyaaka; ekikoba kiti, ebikolebye ebyʼeira bibba biwoirewo, awo olwo ebiyaaka nga niibyo ebiizirewo.

2 Abʼe Kolinso 6:17

Era oMusengwa iye oKibbumba akoba ati: “Nʼolwekyo mubazwemu, era mugabukane nabo. Era timukwatanga oku kintu ekitali kitukulye, olwo zena nalibaaniriza inywe.

AbʼEbbulaniya 12:27

Okukoba ati, “Njiza kwiramu,” kitegeeza kiti ebibbumbe ebibatengeetya balibitoolawo, olwo ebyo ebiteezya kutengeeta kaisi awo bisigalewo.

2 Peetero 3:10

Neye olunaku oMusengwa oYesu oluyaliiriraku yaliizira omu kiseera ekimutamusuubiriramu ngʼomwibbi owaiza obwire. Oku lunaku olwo ebintu ebiri angulu oku kireri byalijigirika nʼomusyo, nʼangulu waliwaawo nga wairiitira ino, era ekyalo nʼebintu byonabyona ebirimu byaliwaawo.

1 Yokaana 2:17

Era ekyalo nago kiwerawo aamo nabuli kintu abantu ekibeegomba. Neye iye oyo akola ekyo oKibbumba ekyasiima, wakubbaawo emirembe nʼemirembe.

Kubiikula 20:13

Enyanza nʼereeta abo abagifeereiremu. Okufa nʼe Magombe byona ni bireeta abafu abebiri nabo. Bonabona ni babasalira omusango, ngʼebikole byabwe owebyabbaire.

Kubiikula 20:14

Awo okufa nʼe Magombe ni babidyaka omu nyanza eyʼomusyo. Enyanza eyo niikwo okufa okwokubiri.

Kubiikula 21:1

Awo ni mbona eigulu eriyaaka nʼekyalo ekiyaaka. Ebintu ebyʼomwibbaanga ebyasookere nʼekyalo ekyasookere ibyo byabbaire biwoirewo, era nʼenyanza nga tekaali eriwo.

Kubiikula 22:3

Eeyo tiwalibbaayo tete kintu oKibbumba ekiyaliraama. Entebe eya Kibbumba eyʼobwakabaka era eya Ntaama oMutomuto wa Kibbumba yaabbanga mu kibuga oomwo, era abaweererya aba Kibbumba bamusinziranga niimwo.

Kubiikula 7:17

Ekyo kityo olwʼokubba oNtaama oMutomuto wa Kibbumba, oyo aali aakati wʼentebe eyʼobwakabaka, yabalabiriranga. Era yalibatuuca oku miiga gyʼamaizi agʼobwomi ni banywa ni basuna obwomi obutawaawo. Era oKibbumba yalibba atoirewo okugada kwabwe kwonakwona.’ ”