Kubiikula 20:11 - Bbaibbuli y'oLugwere

¹¹ Awo ni mbona entebe eyʼobwakabaka enene era enjeru, ni mbona nʼoyo agityaimeku. Era olwʼentiisya yʼoyo atyama oku ntebe, ekyalo nʼeigulu ni bizwa omumaisoge, ni bijigirika biwaawo.

Kubiikula 20:11 ပူးပေါင်းရင်းမြစ်များ

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

EZabbuli 102:26

Ibyo byaliwaawo, neye iwe obbeerererawo; byonabyona byalikairira ni biwaamu ooti kizwalo. Walibidyaka eedi ooti kizwalo era ni bigotawo.

EZabbuli 47:8

OKibbumba afuga amawanga gonagona, ngʼatyaime oku ntebeye eyʼobwakabaka entukulye.

EZabbuli 89:14

Obutuukirirye nʼobwenkanya niibyo omusingi gwʼentebe yʼobwakabakabwo. Okutaka nʼobwesigwa bibonekera omu byokola.

EZabbuli 97:2

Ebireri nʼondikiirya ozigizigi bimweruguuliriirye; obutuukirirye nʼobwenkanya niibyo omusingi gwʼentebe yʼobwakabakabwe.

Matayo 11:22

Neye mbakobera nti oku lunaku olwʼokusaliraku emisango, abantu bʼomu Tiiro nʼomu Sidoni balisuna ekibonerezo ekiri gwai gwai oku kyanywe.

Matayo 24:35

Eigulu nʼekyalo byaliwaawo, neye ebibono byange tibyaliwaawo kadi naire.”

Matayo 25:31

Awo oYesu nʼabakobera ati, “OMwana wa Muntu omu kitiisyakye oweyaliira era ngʼali nʼabamalaikabe bonabona, yalityama omu ntebeye eyʼekitiisya.

Abʼe Looma 2:5

Neye muli nʼemyoyo emikakanyali egitataka okwenenya, ekyo ni kibazweramu okwereetera oKibbumba okubawa ekibonerezo ekikiraku obukambwe. Ekyo kyalibbaawo ku lunaku lwʼenkomerero olwo oluyaliragiraku obulwabwe eeri abantu, oluzwanyuma lwʼokubasalira omusango anambula kusalirirya.

2 Peetero 3:7

Era olwʼekibono ekinyere ekyo, oKibbumba akuumire angulu omwibbanga nʼekyalo ebiriwo atyanu, kaisi olwo oluzwanyuma abyoce nʼomusyo. Era ebyo abikuumire paka oku lunaku olwʼokusaliraku emisango, nʼokujigirica abantu abatamuwa ekitiisya.

Kubiikula 12:8

Neye ogumpiri ni baguyinga. Igwo nʼabamalaika baagwo, ni batabaikirirya kusigala nga beeyongera okubba omwigulu.

Kubiikula 16:20

Ebizinga byonabyona ni biwaawo, nʼensozi gyonagyona ni gigotawo.

Kubiikula 19:11

Ni mbona eigulu nga libiikukire, ni mbona ombalaasi owʼerangi enjeru. Amutyaimeku nga bamweta bati Mwesigwa era wʼaMazima. Asala emisango era alwana entalo nʼobwenkanya.

Kubiikula 20:2

Nʼakwata ogumpiri ogwo ogwʼeira, niiye oMukemi era oSitaani, nʼagusiba okumala emyanka 1,000.

Kubiikula 21:1

Awo ni mbona eigulu eriyaaka nʼekyalo ekiyaaka. Ebintu ebyʼomwibbaanga ebyasookere nʼekyalo ekyasookere ibyo byabbaire biwoirewo, era nʼenyanza nga tekaali eriwo.

Kubiikula 21:5

Awo oyo atyaime oku ntebe eyʼobwakabaka nʼankoba ati, “Atyanu buli kintu nkiirya buyaaka.” Era nʼankoba ati, “Owandiike ebibono binu ebinjaba okukukoba olwʼokubba bituuce, era mazima.”

Kubiikula 4:2

Amangu ago oMwoyo oMutukulye nʼantoola aawo, ni mbona entebe eyʼobwakabaka egibateekere omwigulu, era ngʼoku ntebe eyo kuliku agityaimeku.

Kubiikula 6:14

Ebiri angulu omwibbanga ni bizwawo lumo ooti muntu alinga omukeeka okugutoolawo. Nabuli lusozi, era nabuli kizinga ni bizwawo egibibbaire.