Kubiikula 2:17 - Bbaibbuli y'oLugwere

¹⁷ “ ‘Ali nʼamatwi, awulire oMwoyo oMutukulye ekyakoba amakanisa. Oyo awangula amaani aga Sitaani, nalimuwa oku kyokulya ekibise. Era nalimuwa eibbaale eryeru, eribawandiikireku eriina eriyaaka, omuntu ogondi yenayena eryatamaite, okutoolaku oyo alisuna.’ ”

Kubiikula 2:17 ပူးပေါင်းရင်းမြစ်များ

EZabbuli 25:14

OMusengwa abba mukaagwa wʼabo abamutya, era abamanyikisya endagaanoye.

EZabbuli 36:8

Balya ebyokulya ebibitiriri ebyʼomu nyumbayo ni baikuta. Obawa ebyokunywa ebyesiimisya ebyomusuko ooti mwiga ogukulumuka.

OKuzwa 16:33

Awo oMusa nʼakoba Alooni ati, “Osune ekibya, oteekemu ekiro ooti ibiri egya maanu, kaisi ogiteeke omumaiso ga Musengwa, gibbe kyokwebukiriryangaku nʼomu mirembe egyaliirawo.”

ENgero 14:10

Ali nʼenima niiye amanya obulumi bwayo, era mpaawo ayezya okugabana okwisangaalolye.

ENgero 3:32

olwʼokubba oMusengwa acaawa abo abacaama ni bazwa omu nzira entuuce, neye abba mukaagwa wʼabalongoole omu myoyo.

Matayo 13:11

Kale iye nʼabairamu ati, “Inywe mwasunire enkabi egyʼokumanya ebyama ebikwata oku bwakabaka bwʼomwigulu, neye abantu abo ibo tibagisunire.

Maako 7:16

Aabba nga waliwo aali nʼamatwi agawulira, awulire].”

Yokaana 4:32

Neye iye nʼabairamu ati, “Nze ndi nʼekyokulya inywe ekimutamaiteku kadi.”

1 Abʼe Kolinso 2:14

Neye omuntu abula oMwoyo wa Kibbumba, tayezya okwikirirya ebya Mwoyo nago, olwʼokubba abibona ngʼebyʼobusirusiru, era tayezya okubitegeera. Ekyo kityo olwʼokubba omuntu aali nʼoMwoyo wa Kibbumba niiye abyekalikica era nʼabitegeera kusani.

Abʼe Kolose 3:3

Ekyo kityo olwʼokubba inywe mwafiire, era obwomi bwanywe obwʼomu mwoyo babubisire egiri oKurisito omu Kibbumba.

Kubiikula 14:3

Ni bemba olwembo nga bali omumaiso agʼentebe eyʼobwakabaka, nʼagʼebibbumbe ebyomi ebina, nʼagʼabakaire. Olwembo olwo nga luboneka ooti luyaaka, era nga mpaawo gondi ayezya okulwega okutoolaku abo bonkani 144,000 abebanunwire okuzwa omu bufuge obwa Sitaani.

Kubiikula 19:16

Oku ganduulaye nʼoku kisambikye, ali nʼeriina eribawandiikireku bati: OKABAKA WʼABAKABAKA, ERA OMUSENGWA WʼABASENGWA.

Kubiikula 2:11

“ ‘Ali nʼamatwi, awulire ekyo oMwoyo oMutukulye ekyakoba amakanisa. Oyo awangula amaani ga Sitaani, okufa okwokubiri, okwa musyo ogutalikira emirembe nʼemirembe, tikwalimukolaku kabbikabbi konakona.’ ”

Kubiikula 2:7

“Ali nʼamatwi, awulire oMwoyo oMutukulye ekyakoba amakanisa. Oyo awangula amaani ga Sitaani, nalimuwa obwezye okulya oku bineneka byʼomusaale ogwʼobwomi obutawaawo, oguli omu kifo ekyokwesiima ekya Kibbumba.”

Kubiikula 3:22

“ ‘Oyo aali nʼamatwi awulire oMwoyo oMutukulye ekyakoba amakanisa.’ ”

Kubiikula 3:6

“ ‘Ali nʼamatwi awulire oMwoyo oMutukulye ekyakoba amakanisa.’ ”