Kubiikula 19:7 - Bbaibbuli y'oLugwere

⁷ Tusangaale, tujaagaane, era tumuwe ekitiisya, olwʼokubba ekiseera ekyʼobugole obwa Ntaamawe kituukire, era omugolewe yeetegekeire obugole.

Kubiikula 19:7 ပူးပေါင်းရင်းမြစ်များ

EZabbuli 107:42

Abatuukirirye babona ebyo era ni basangaala, neye ababbibabbi bonabona ni babbuunaku eminwa gyabwe.

EZabbuli 48:11

Oleke abantu bʼoku Lusozi oSayuuni basangaale. Oleke abantu bʼomu bibuga bya Yuda bajaagaane, olwʼokulamulakwo okwʼobwenkanya.

EZabbuli 9:14

kaisi nkuwuujenge eeri abantu abʼomu Sayuuni, era nsangaalenge olwʼokunnunula.

ENgero 29:2

Abatuukirirye owebafuga, abantu bajaagaana; neye ababbibabbi owebafuga, abantu bakunga.

Matayo 1:20

Yabbaire akaali aseega atyo, omalaika wa Musengwa iye oKibbumba nʼamubonekera omu kirooto nʼamukoba ati, “Yusufu, omwizukulu wa kabaka oDawudi, tiwaatya okutwala oMalyamu okubba omukaliwo olwʼokubba, ekida ekyali nakyo oMwoyo oMutukulye niiye eyamwezeserye okukisuna.

Matayo 22:2

“Obwakabaka bwʼomwigulu tubufaananiaku nʼokabaka eyategekeire omutaanewe embaga yʼobugole.

Luuka 12:36

Kale nga muli ooti bantu abakuumiriire omusengwa waabwe okwira okuzwa oku mbaga eyʼobugole, kaisi bayezye okumwigulirawo amangu ago nga yankukonkona.

Yokaana 3:29

Kityo nʼomugole abba wʼoyo amuleetere. Era omukaagwa wʼoyo aleetere omugole iye abbaawo kubbeera oyo aleetere, amubba kumpi nʼamuwulisisya, era asangaala ino owaawulira eigono lyʼoyo aleetere omugole. Era nʼomu ngeri enanyere eyo zena eisangaalo lyange libba mu bwizulye owempulira nti abantu baaba egiri oYesu.

2 Abʼe Kolinso 11:2

Mbabuubira ngʼoKibbumba yena owababuubira olwʼokubba inywe muli ooti mwala omuguna abulaku akamogo ogunsuubizire okufumbirisya oibaaye omoiza yenkani, nga niiye oKurisito.

AbʼEfeeso 5:23

olwʼokubba omusaiza niiye omutwe gwʼomukali, ngʼoKurisito obwali omutwe ogwʼekanisa, nga niigwo omubirigwe, era nga niiye omulokoli wʼomubiri nago.

AbʼEfeeso 5:32

Ekyama kinu kigosi okutegeera, era nze nkoba nti kitumula ku nkolagana ya Kurisito nʼekanisa.

AMateeka 32:43

“Inywe amawanga mujaagaanire aamo nʼabantu ba Musengwa, olwʼokubba yalinyaaŋa omusaaye gwʼabaweereryabe; yalikola okunyaaŋa oku balabebe, yaliwaayo omugaito oku lwʼekyalokye nʼabantu.”

Abʼe Firipi 3:3

Kiri kiti, niiswe abakomole abatuuce, olwʼokubba tusinza oKibbumba ngʼoMwoyowe niiye atulungamya, era nga tujaagaanira mu Kurisito Yesu. Kale titwesiga bulombolombo abantu obubakola oku kyalo,

Kubiikula 11:13

Omu kaseera akanyere ako, ni wabbaawo okutengeeta okwʼekyalo okwʼamaani. Ekitundu kimo kyʼeikumi ekyʼekibuga ni kijigirika, nʼabantu 7,000 omusisi oku kyalo ni gubaita. Abantu abasigairewo okutya ni kubakwata, ni bawa oKibbumba owʼomwigulu ekitiisya.

Kubiikula 19:9

Omalaika nʼankoba ati, “Owandiike oti, ‘Bʼenkabi abo abebayetere oku mbaga eyʼobugole eya Ntaama oMutomuto wa Kibbumba.’ ” Era nʼankoba ati, “Ebyo ebibono niibyo ebinanyerenyeere oKibbumba ebiyatumwire.”

Kubiikula 21:2

Ni mbona eKibuga eKitukulye, oYerusaalemi omuyaaka, ngʼaika okuzwa omwigulu e wa Kibbumba, nga bamutegekere ooti mugole ogubawomeirye oibaaye.

Kubiikula 21:9

Awo omoiza oku bamalaika omusanvu ababbaire nʼebibya ebiizwire ebirulumo omusanvu ebisembayo, nʼaiza nʼatumula na nze, nʼankoba ati, “Oize twabe nkulage omugole, omuka Ntaama oMutomuto wa Kibbumba.”

1 Samwiri 2:1

Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.