Kubiikula 19:6 - Bbaibbuli y'oLugwere

⁶ Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.

Kubiikula 19:6 ပူးပေါင်းရင်းမြစ်များ

EZabbuli 47:2

olwʼokubba oMusengwa oNambulaku aMwagaagana wʼentiisya. Niiye oKabaka omukulu afuga ekyalo kyonakyona.

EZabbuli 47:7

Olwʼokubba oKibbumba niiye oKabaka wʼekyalo kyonakyona, mumwembere enyembo egimuwuuja.

EZabbuli 77:18

Eigono lyʼokubbwatukakwo, ni liwulikikanira omu gumpunga ogwʼamaani; okumesya ni kumoleka ekyalo kyonakyona. Ekyalo ni kitya era ni kitengeeta!

EZabbuli 93:1

OMusengwa niiye afuga, era ali nʼekitiisya; oMusengwa ali nʼekitiisya era ali nʼamaani. Yateekere ekyalo omu kifo kyakyo, era tikyezya okuyuugayuugana.

EZabbuli 97:1

OMusengwa niiye afuga, oleke ekyalo kisangaale; oleke abali oku bizinga bonabona bajaagaane.

EZabbuli 97:12

Inywe abeesiga oMusengwa mujaagaane olwʼebyo ebyakola, era mumuwuuje iye oMutukulye.

EZabbuli 99:1

OMusengwa niiye afuga, era oleke amawanga gatukute. Atyaime oku ntebeye eyʼobwakabaka aakati omu bakeruubbi, era oleke ekyalo kitengeete.

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

Kubiikula 1:15

Ebigerebye nga biri ooti bbulonzi apowookeire omu musyo gwʼetanuulu. Eigonolye nga liri ooti maizi amangi agawolomboga.

Kubiikula 1:8

“Ninze Alufa era Omega,” atyo oMusengwa oKibbumba oWabwezye Bwonabwona waakoba, abbaawo, era eyabbairewo, era aiza kubbaawo.

Kubiikula 12:10

Ni mpulira omwigulu eigono eryaminkirira, nga likoba liti: “Atyanu oKibbumba waiswe atulokoire. Alagire amaanige, nʼobwakabakabwe, nʼobwezye bwa Kurisitowe, olwʼokubba oodi aloopanga abaganda baiswe, era abaloopa omusana nʼobwire omumaiso ga Kibbumba waiswe, bamubbingire omwigulu.

Kubiikula 14:2

Ni mpulira eigono erizwa omwigulu nga liri ooti lyʼokuwolomboga okwʼamaizi amangi, era nga liri ooti igono eryʼokubbwatuka okwʼeraadu okwʼamaani. Eigono eeryo erinawuliire lyabbaire ngʼeryʼenyembo egyʼabakubbi abʼamatongoli ngʼabakubba amatongoli gaabwe.

Kubiikula 19:1

Ebyo owebyawoire, ni mpulira omwigulu eigono eriri ooti lyʼekiyindi kyʼabantu, nga likoba liti: “Muwuuje oKibbumba waiswe, olwʼokubba niiye alokola, era ekitiisya nʼobwezye bibye!

Kubiikula 19:4

Abakaire 24, nʼebibbumbe ebyomi ebina, ni bakotama oku mazwi ni basinza oKibbumba atyaime oku ntebe eyʼobwakabaka, nga webakoba bati: “Amiina. Muwuuje oKibbumba!”

Kubiikula 21:22

Omu kibuga ekyo tinaboinemu Yeekaalu, olwʼokubba oMusengwa oKibbumba oWabwezye Bwonabwona era nʼoNtaama oMutomuto wa Kibbumba, ibo niibo eYeekaalu mwikyo.

Kubiikula 4:5

Omu ntebe eyo eyʼobwakabaka ni muzwamu okumesya, nʼamagono, nʼokubbwatuka. Wabbairewo nʼamataala musanvu agaaka omumaiso gʼentebe eyo. Egyo niigyo emyoyo omusanvu egya Kibbumba.

Kubiikula 6:1

Awo ni mbona oNtaama oMutomuto wa Kibbumba, ngʼamoonolola akamo oku buzebbo omusanvu obwasibire omuzingo. Era ni mpulira ekimo oku bibbumbe ebyomi ebina, nga kitumula omwigono eridudula ooti ikendi ni kikoba omuntu kiti, “Oize!”

Kubiikula 8:5

Omalaika oyo nʼatwala ekyoto ekyo, nʼakiizulya amakala ga musyo, ngʼagutoola oku kyoto, nʼakimuma oku kyalo. Ni wabbaawo okubbwatuka, nʼokululuma, nʼokumesya, era nʼomusisi oku kyalo.