Kubiikula 19:3 - Bbaibbuli y'oLugwere

³ Era ni bakoba bati: “Muwuuje oKibbumba! Ekyo kityo olwʼokubba, omwosi ogukizwamu guduunya emirembe nʼemirembe!”

Kubiikula 19:3 ပူးပေါင်းရင်းမြစ်များ

ENtandiika 19:28

Kale nʼalingirira e Sodoma nʼe Gomola e gibiri, era nʼeeri ekyalo kyonakyona ekyo ekibulamu ensozi, nʼalengera ogwosi ogwʼamaani nga guzwerayo nga guduunya ooti guudi oguzwera omu tanuulu.

EZabbuli 104:35

Oleke abakola ebikole ebibbibibbi bajigirike oku kyalo, nʼababbibabbi baweerewo nakimo. Iwe mwoyo gwange, owuujenge oMusengwa. Muwuujenge oMusengwa.

Yuda 1:7

Era omu ngeri ooti yeeyo, mwebukirye ebyatuukire nʼoku bantu bʼomu kibuga kyʼe Sodoma nʼekyʼe Gomola, nʼebibuga ebindi ebyeruguuliriirye aawo, abeewaireyo ni bakola ebyobulendi ni batuuka nʼokulya ebisiyaga. Ibo abo bakola ngʼekyokuboneraku kyʼabo abagada nʼekibonerezo ekyʼomusyo ogutalikira.

Kubiikula 14:11

Era omwosi ogwaliduunya okuzwa omu musyo ogubalyocerya abantu abatyo gwalibba gwʼemirembe nʼemirembe. Abo abasinza ogusolo nʼekifaananyi kyagwo, era nabuli moiza kwabo abali nʼeraama yʼeriina lyagwo, tibalibbaaku nʼegibawuumulira omusana nʼobwire.”

Kubiikula 18:18

Owebalibona omwosi gwakyo nga kiya, balyaminkirira nga bakoba bati, “Tiwabbangawo ekibuga ekyagaagana kinu obunene!”

Kubiikula 18:9

Abakabaka abʼoku kyalo abayendanga nakyo ni babba aamo nakyo omu byʼamasanyu owebalibona nga bakyoca kiduunya omwosi, balikuukulya ni bakikunga.

Kubiikula 19:1

Ebyo owebyawoire, ni mpulira omwigulu eigono eriri ooti lyʼekiyindi kyʼabantu, nga likoba liti: “Muwuuje oKibbumba waiswe, olwʼokubba niiye alokola, era ekitiisya nʼobwezye bibye!

Kubiikula 19:4

Abakaire 24, nʼebibbumbe ebyomi ebina, ni bakotama oku mazwi ni basinza oKibbumba atyaime oku ntebe eyʼobwakabaka, nga webakoba bati: “Amiina. Muwuuje oKibbumba!”