Kubiikula 19:11 - Bbaibbuli y'oLugwere

¹¹ Ni mbona eigulu nga libiikukire, ni mbona ombalaasi owʼerangi enjeru. Amutyaimeku nga bamweta bati Mwesigwa era wʼaMazima. Asala emisango era alwana entalo nʼobwenkanya.

Kubiikula 19:11 ပူးပေါင်းရင်းမြစ်များ

EZabbuli 50:6

Eigulu lirangirira obutuukirirye bwa Kibbumba, olwʼokubba iye onanyere, mulamuzi.

EZabbuli 96:13

gyayembera omumaiso ga Musengwa, olwʼokubba aiza. Aiza okusalira ekyalo omusango. Yaliramula ekyalo mu bwenkanya, yaliramula abantu mu mazima.

EZabbuli 98:9

Oleke byembere omumaiso ga Musengwa, olwʼokubba aiza okusalira ekyalo omusango. Yalikubbembera abantu mu bwenkanya, era yaliramula abantu nga tiyeekubbira.

EZabbuli 99:4

OKabaka iye owabwezye, ataka bwenkanya. Wateekerewo enkola yʼokutamomola, era omwIsirairi okolere ekyo ekyʼobwenkanya era ekituuce.

OKuzwa 15:3

OMusengwa niiye omulwani wʼolutalo omuzira, eriinalye niiye oMusengwa.

Yokaana 1:51

Era oYesu nʼayongeraku okumukoba ati, “Mazima dala mbakobera nti mwalibona eigulu nga lyeigwire, nʼabamalaika ba Kibbumba nga baniina omwigulu era nga baika oku Mwana wa Muntu.”

Yokaana 14:6

Awo oYesu nʼamwiramu ati, “Ninze enzira, era ninze amazima, era ninze obwomi. Mpaawo atuuka egiri oBbaabba okutoolaku ngʼabitire mu ninze.

Kubiikula 1:5

Era nʼekisa nʼeidembe ebizwa egiri oYesu Kurisito omujulizi oku bikwata oku bintu oKibbumba ebiyakolere. Era omwesigwa, nʼeyasookere bonabona okuzuukira, era afuga abakabaka abʼoku kyalo. OKurisito oyo atutaka era yatutoire omu bibbibibbi byaiswe oweyafiire okulwaiswe,

Kubiikula 11:19

EYeekaalu eya Kibbumba eyʼomwigulu ni bagiigulawo, nʼesanduuku eyʼendagaanoye nʼeboneka omu Yeekaaluye. Ni wabbaawo okumesya, nʼamagono, nʼokubbwatuka, nʼomusisi oku kyalo, nʼogwikendi ogunene ogwʼamabbaale ni gugwa.

Kubiikula 19:19

Awo ni mbona ogusolo, nʼabakabaka bʼoku kyalo nʼamaje gaabwe nga bakumbaine okulwanisya oyo atyaime oku mbalaasi nʼamajeege.

Kubiikula 19:21

Badi abasigaire, ni babaita nʼempiima ekyazwire omu munwa gwʼoyo atyaime oku mbalaasi. Enyonyi gyonagyona, ni giikuta emirambo gyabwe.

Kubiikula 3:14

“OMalaika owʼekanisa eyʼomu Lawodikiya omuwandiikire oti, “ ‘Oyo ogubeeta “Amiina,” omujulizi omwesigwa era owʼamazima, onanzwa wʼebyo oKibbumba ebiyabbumbire, binu byakoba ati:

Kubiikula 3:7

“OMalaika owʼekanisa eyʼomu Firaderufiya omuwandiikire oti: “ ‘Oyo omutukulye era owʼamazima, aali nʼekifunguwo ekya Dawudi, era aigulawo ni watabbaawo kadi moiza ayezya okwigalawo, nʼaigalawo ni watabbaawo kadi moiza ayezya okwigulawo, binu byakoba ati:

Kubiikula 4:1

Ebyo owebyawoire, ni mbonawo olwigi olwigule omwigulu. Era omuntu atumula nʼeigono erinyere lidi erinsookere okuwulira nga likooka ooti kondeere ni linkoba liti, “Oniine oize eenu nkulage ebiteekwa okwiririra kwebyo.”

Kubiikula 6:2

Ni nningirira, ni mbona omuntu ngʼali nʼakalaso atyaime oku mbalaasi owʼerangi enjeru. Ni bamuwa engule, nʼayaba ngʼawangula, era ngʼamaliriire okuwangulira nakimo abalabebe.