Kubiikula 19:1 - Bbaibbuli y'oLugwere

¹ Ebyo owebyawoire, ni mpulira omwigulu eigono eriri ooti lyʼekiyindi kyʼabantu, nga likoba liti: “Muwuuje oKibbumba waiswe, olwʼokubba niiye alokola, era ekitiisya nʼobwezye bibye!

Kubiikula 19:1 ပူးပေါင်းရင်းမြစ်များ

EZabbuli 104:35

Oleke abakola ebikole ebibbibibbi bajigirike oku kyalo, nʼababbibabbi baweerewo nakimo. Iwe mwoyo gwange, owuujenge oMusengwa. Muwuujenge oMusengwa.

EZabbuli 106:1

Muwuujenge oMusengwa. Mwebalyenge oMusengwa, olwʼokubba musa; okutakakwe okutakoma kubbeerererawo emirembe gyonagyona.

EZabbuli 111:1

Muwuuje oMusengwa. Neebalyanga oMusengwa nʼomwoyo gwange gwonagwona omu batuukirirye era omu nkumbaana gyabwe.

EZabbuli 115:18

Neye iswe aboomi niiswe abagulumalya oMusengwa, atyanu nʼemirembe gyonagyona. Muwuuje oMusengwa.

EZabbuli 146:1

Muwuuje oMusengwa. Mwoyo gwange, owuuje oMusengwa.

EZabbuli 148:1

Muwuuje oMusengwa. Muwuuje oMusengwa nga musinzirira omwigulu. Mumuwuuje inywe abali eeyo angulu.

EZabbuli 149:1

Muwuuje oMusengwa! Mwembere oMusengwa olwembo oluyaaka, mumuwuuje omu nkumbaana gyʼabatuukiriryebe.

EZabbuli 150:1

Muwuuje oMusengwa. Muwuuje oKibbumba omu kifookye ekitukulye; mumuwuuje ngʼali omu kifo kyʼobwezyebwe omwigulu.

EZabbuli 3:8

Musengwa, niiwe onnunula eeri abalabe, era niiwe owa abantubo enkabi.

EZabbuli 62:11

OKibbumba atumwire omulundi gumo, ni mpuliramu ebintu bibiri nti, iwe Kibbumba oli wʼamaani,

Yona 2:9

Neye nze, Musengwa, nakwebalyanga omu lwembo ni nkuwa nʼesadaaka. Era ebineeyamanga nabituukiriryanga. Obununuli buzwa eeri niiwe Musengwa.”

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 12:10

Ni mpulira omwigulu eigono eryaminkirira, nga likoba liti: “Atyanu oKibbumba waiswe atulokoire. Alagire amaanige, nʼobwakabakabwe, nʼobwezye bwa Kurisitowe, olwʼokubba oodi aloopanga abaganda baiswe, era abaloopa omusana nʼobwire omumaiso ga Kibbumba waiswe, bamubbingire omwigulu.

Kubiikula 19:6

Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.