Kubiikula 18:9 - Bbaibbuli y'oLugwere

⁹ Abakabaka abʼoku kyalo abayendanga nakyo ni babba aamo nakyo omu byʼamasanyu owebalibona nga bakyoca kiduunya omwosi, balikuukulya ni bakikunga.

Kubiikula 18:9 ပူးပေါင်းရင်းမြစ်များ

ENtandiika 19:28

Kale nʼalingirira e Sodoma nʼe Gomola e gibiri, era nʼeeri ekyalo kyonakyona ekyo ekibulamu ensozi, nʼalengera ogwosi ogwʼamaani nga guzwerayo nga guduunya ooti guudi oguzwera omu tanuulu.

EZabbuli 58:10

Abatuukirirye balijaagaana owebalibona okunyaaŋa okwo. Balinaaba ebigere byabwe omu musaaye gwʼababbibabbi.

AMateeka 29:23

Ekyalo ekyo kyonakyona yalikyoca nʼocumbi nʼosalufa ni kiya, ni kisuuka bunyonta na ikoke. Kyalibba tikikaali bakikomamu ekintu kyonakyona, nga mpaawo ekimeramu, era nga mpaawo bimera ebikulamu. Yalikijigirica ooti Sodoma nʼoGomola, Aduma nʼoZebboyimu, ibyo ebibuga ebiyakwatiire obusungu nʼobulwa nʼabijigirica.

1 Temuseewo 5:11

Neye abanamwandu abakaali abatobato toikiriryanga okubawandiika omu lukalala lwa banamwandu okusuna obubbeeri. Ekyo kityo olwʼokubba okwegomba kwʼomubiri owekwiza, kuyinga okwewaayo kwabwe eeri oKurisito, ni baira bataka okufumbirwa.

Kubiikula 14:11

Era omwosi ogwaliduunya okuzwa omu musyo ogubalyocerya abantu abatyo gwalibba gwʼemirembe nʼemirembe. Abo abasinza ogusolo nʼekifaananyi kyagwo, era nabuli moiza kwabo abali nʼeraama yʼeriina lyagwo, tibalibbaaku nʼegibawuumulira omusana nʼobwire.”

Kubiikula 17:2

Abakabaka abʼekyalo abayendere nʼomalaaya oyo, okwo nga niikwo okukolera aamo nʼekibuga ekyo omu kusinza ebifaananyi. Era abantu abali oku kyalo bateemeire omwenge ogwʼobulendibwe.”

Kubiikula 18:18

Owebalibona omwosi gwakyo nga kiya, balyaminkirira nga bakoba bati, “Tiwabbangawo ekibuga ekyagaagana kinu obunene!”

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 18:3

Ekyo kityo olwʼokubba amawanga gonagona gateemeire omwenge ogwʼobulendi bwakyo obwʼokusinza ebifaananyi. Abakabaka abʼoku kyalo bayendere nakyo, nʼabasuubuuzi abʼoku kyalo basuniire obusuni mu kucakala kwakyo okubitiriri.”

Kubiikula 18:7

Egikyakomerye okwegulumalya nʼokwejalabya nywena gimubba mukomye okukigadya era nʼokukikunja, olwʼokubba kyewaana nga kikoba kiti: ‘Ntyaime ngʼokabaka, tindi namwandu era tinalibbaaku mu kugada naire.’

Kubiikula 19:3

Era ni bakoba bati: “Muwuuje oKibbumba! Ekyo kityo olwʼokubba, omwosi ogukizwamu guduunya emirembe nʼemirembe!”

Kubiikula 2:22

Kale njaba okumuteeka oku buliri abbe omu kugada okunene aamo nʼabo abayenda naye, owebateenenye ebyo ebibakola naye.