Kubiikula 18:6 - Bbaibbuli y'oLugwere

⁶ Era akoba abamalaika ati: “Musasule oBbabbulooni ebintu ebibbibibbi ebiyakolere abandi. Oku bikole ebyʼekibuga ekyo, inywe musingisyewo emirundi mibiri. Obulumi obuyatuucirye oku bainaye mubumutuuceku yena nga mukubbisyamu emirundi mibiri.

Kubiikula 18:6 ပူးပေါင်းရင်းမြစ်များ

EZabbuli 137:8

Inywe abantu bʼe Bbabbulooni balibajigirica. Wʼenkabi oyo akusasula olwʼebyotukolere.

EZabbuli 28:4

Obasasule olwʼebikole byabwe, era kusinzirira ku bubbibubbi bwʼebikole byabwe. Obasasule kusinzirira ku biibyo ebibakola, era obawe ebyo ebibasaanira okusuna.

2 Temuseewo 4:14

Erigizanda omuyeesi wʼebikomo yambitirye bundi ino. OMusengwa yalimusasula olwʼebyo ebiyakolere.

Kubiikula 13:10

Oyo oKibbumba oguyategekeire ati balimutwala mu bugalama, yalyaba omu bugalama. Nabuli oKibbumba oguyategekeire ati balimwita nʼempiima, yalifa mpiima. Kale abatuukirirye basaaniire okubba abagumu era abeesigwa eeri oMusengwa omu mbeera gyonagyona.

Kubiikula 14:10

oKibbumba yalimubonereza nʼobukambwe. Yaligada ngʼanywa ekikopo ekibasukiremu ondiko owʼobusungu bwa Kibbumba nʼobukambwe bwonabwona. Era balimugadya nʼomusyo ogwoca eino omumaiso agʼabamalaika abatukulye, nʼaga Ntaama oMutomuto wa Kibbumba.

Kubiikula 16:19

Ekibuga ekinene ni kigabukanamu ebitundu bisatu. Nʼebibuga ebyʼomu byalo byonabyona ni biwumpuka ni bigwa. Atyo oKibbumba weyayebukiirye okubonereza abantu abʼomu kibuga ekinene ekyo, oBbabbulooni, nʼakinywisya ekikopo ekyʼobusungubwe.

Kubiikula 17:2

Abakabaka abʼekyalo abayendere nʼomalaaya oyo, okwo nga niikwo okukolera aamo nʼekibuga ekyo omu kusinza ebifaananyi. Era abantu abali oku kyalo bateemeire omwenge ogwʼobulendibwe.”

Kubiikula 17:4

Omukali oyo yabbaire azwaire ebizwalo ebyʼebbeeyi ebitukuliikiriri era ebyʼakakobe, era ngʼamirikiinya nʼezaabbu nʼamabbaale agʼebbeeyi eino, nʼebinyere ebyʼebbeeyi eino. Yabbaire akwaite ekikopo ekibakolere omu zaabbu nga kiizwire ebintu ebyomuliko nʼebicaafu ebyobulendibwe.

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”