Kubiikula 18:4 - Bbaibbuli y'oLugwere

⁴ Tete ni mpulira eigono erindi erizwa omwigulu nga likoba liti, “Abantu bange mbalabula, mukizwemu, kaisi muwunuke okwingira omu bibbibibbi byʼabantu byakyo era nʼokubatwalirya omu kugada kwakyo.

Kubiikula 18:4 ပူးပေါင်းရင်းမြစ်များ

ENtandiika 19:14

Kale oLuuti nʼayaba era nʼatumula nʼabasaiza ababbaire basuubizire okufumbirwa abaalabe, era nʼabakoba ati, “Mwanguweku muzwe omu kibuga kinu olwʼokubba oMusengwa ali kumpi okukijigirica.” Neye abasaiza abasuubizire okufumbirwa abaalabe baseegere bati oLuuti ajanja.

EZabbuli 50:18

Owoobona omwibbi ngʼomuwagira; okola omukumbo nʼabalendi.

Matayo 23:30

Era ni mukoba muti, ‘Singa twabbairewo omu biseera byʼabazeiza baiswe, nga titwemigiire omu kwita abanaabbi.’

2 Abʼe Kolinso 6:17

Era oMusengwa iye oKibbumba akoba ati: “Nʼolwekyo mubazwemu, era mugabukane nabo. Era timukwatanga oku kintu ekitali kitukulye, olwo zena nalibaaniriza inywe.

1 Temuseewo 5:22

Toluuyanga okuteeka engalo oku muntu yenayena ngʼomwabula okuweererya oKibbumba, okutoolaku ngʼomalire kumugezesya. Ekyo kityo olwʼokubba owʼengeri eyo owaagwa omu kibbikibbi, wena bakubalira omu kibbikibbi ekyo. Weekuume ngʼobulaku akamogo.

2 Yokaana 1:11

Era oyo iye amusangaalira ngʼowoluganda abba agabanira aamo naye omu bikolebye ebibbibibbi.