Kubiikula 18:20 - Bbaibbuli y'oLugwere

²⁰ Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 18:20 ပူးပေါင်းရင်းမြစ်များ

EZabbuli 107:42

Abatuukirirye babona ebyo era ni basangaala, neye ababbibabbi bonabona ni babbuunaku eminwa gyabwe.

EZabbuli 109:28

Oleke ibo balaame, neye iwe ompe enkabi; Oleke abanjiigaania baswale, neye oganye nze omuweereryawo nsangaale.

EZabbuli 18:47

Niiye oKibbumba anjezyesya okuwangula abalabe bange, nʼaica amawanga ansi wange.

EZabbuli 48:11

Oleke abantu bʼoku Lusozi oSayuuni basangaale. Oleke abantu bʼomu bibuga bya Yuda bajaagaane, olwʼokulamulakwo okwʼobwenkanya.

EZabbuli 58:10

Abatuukirirye balijaagaana owebalibona okunyaaŋa okwo. Balinaaba ebigere byabwe omu musaaye gwʼababbibabbi.

EZabbuli 94:1

Oo Musengwa, iwe oKibbumba anyaaŋa, iwe oKibbumba anyaaŋa, oboneke olage obusungubwo.

ENgero 11:10

Abatuukirirye owebabitamu, ekibuga kijaagaana. Ababbibabbi owebafa, wabbaawo okuceera olwʼeisangaalo.

AbʼEfeeso 2:20

Babombekere ooti kizimbe oku musingi, abatume nʼabanaabbi ogubombekere, kaisi ngʼoKurisito Yesu niiye eibbaale erikulu erisiba ensonda eyʼomusingi.

AbʼEfeeso 3:5

Omu mirembe egyʼeira, oKibbumba tiyamanyikisirye abantu ekyama nago, neye atyanu akibikuliire abatumebe abatukulye era nʼabanaabbi, ngʼabitira omu Mwoyo oMutukulye.

AbʼEfeeso 4:11

Era niiye omoiza oyo eyawaire abantu abamo okubba abatume, nʼabandi okubba banaabbi, nʼabandi abalaabba aMawuliro aMasa, nʼabandi okubba abaliisya bʼemyoyo, nʼabandi okubba abeegesi bʼekibono kya Kibbumba.

AMateeka 32:42

Obulaso bwange bwalitoonya omusaaye gwabwe, nʼempiima yange yaliita bonabona abanjakanisya. Omusaaye gwʼabo abebasalire nʼabawambe; nʼabakulu bʼabeekubbemberi bʼabalabe.’ ”

2 Peetero 3:2

Nʼolwekyo ntaka mwebukirye ebibono abanaabbi abatukulye ebibatumwire eira, era nʼebiragiro bya Musengwa era oMulokoli, ebiyabawaire okubita omu batume baanywe.

Yuda 1:17

Neye inywe bainange abatake, mwebukirye ebintu abatume ba Musengwa waiswe oYesu Kurisito ebibalagwire.

Kubiikula 12:12

Kale musangaale inywe eigulu nʼabalimu. Neye inywe ekyalo nʼenyanza, nga mwalaba, olwʼokubba oSitaani aikire egimuli ngʼali nʼobusungu bungi, ngʼamaite ati, ali nʼakaseera katyayi kati!”

Kubiikula 18:6

Era akoba abamalaika ati: “Musasule oBbabbulooni ebintu ebibbibibbi ebiyakolere abandi. Oku bikole ebyʼekibuga ekyo, inywe musingisyewo emirundi mibiri. Obulumi obuyatuucirye oku bainaye mubumutuuceku yena nga mukubbisyamu emirundi mibiri.

Kubiikula 6:10

Ni batumula nʼeigono eryaminkirira bati, “Musengwa oMutukulye era owʼamazima, walituuca di kaisi nʼosalira abantu bʼoku kyalo omusango okubasinga, era nʼobabonereza olwʼokutwita?”

ABalamuzi 5:31

“Oo Musengwa, oleke abalabebo bonabona bajigirike. Neye oleke abakutaka babbe ooti isana obweribba nga lizwayo omu maani gaalyo.” Awo ekyalo ekyo ni kibba nʼemirembe emyanka 40.