Kubiikula 18:19 - Bbaibbuli y'oLugwere

¹⁹ Ni beesuka enkungu omu mitwe gyabwe, ni baasyamika nga bakuukulya era nga bawolooga, nga bakoba bati: “Wobe! Wobe! Nga walaba iwe ekibuga ekinene, ekyagaigawairye abanyere amaato agʼoku nyanza! Omu saawa moiza yonkani bakujigiricirye!”

Kubiikula 18:19 ပူးပေါင်းရင်းမြစ်များ

2 Samwiri 13:19

OTamali ni yeesiiga eikoke omu mutwe, nʼanyiira ekizwalokye ekiyabbaire azwaire okulaga obunakuwalibwe, ni yeekwata oku mutwe, nʼayaba ngʼakunga.

Yoswa 7:6

Awo oYoswa nʼabeekubbemberi bʼaBaisirairi ni baigerera e giri eSanduuku eyʼeNdagaano ya Musengwa, ni banyiira ebizwalo byabwe nʼokwemwaga enkungu oku mitwe olwʼokunakuwala kwabwe, kaisi ni bafuunama ni baica empumi ansi okwitakali paka igulo.

Kubiikula 17:16

Neye lumo, amaziga eikumi agooboine galyeyimbya nʼogusolo, byonabyona ni birwanisya omalaaya oyo, ni bimunyagaku ebintubye byonabyona, ni bimuleka bwere. Byalirya omubirigwe, ni bimukumaku nʼomusyo.

Kubiikula 18:10

Balyemerera yala yala olwʼokutya okugada kwakyo, ni bakoba bati, “Wobe! Wobe! Nga walaba iwe ekibuga ekinene! Iwe ekibuga ekyʼamaani dala bakujigiricirye omu saawa moiza yonkani!”

Kubiikula 18:3

Ekyo kityo olwʼokubba amawanga gonagona gateemeire omwenge ogwʼobulendi bwakyo obwʼokusinza ebifaananyi. Abakabaka abʼoku kyalo bayendere nakyo, nʼabasuubuuzi abʼoku kyalo basuniire obusuni mu kucakala kwakyo okubitiriri.”

Kubiikula 18:8

Nʼolwekyo ebirulumo ebyalikigadya, byalikiizira mu lunaku lumo, ni bireeta enzala, nʼokuyungubala, nʼokufa. Era ekibuga ekyo balikyoca omusyo, olwʼokubba oMusengwa iye oKibbumba iye wʼobwezye akisingisya omusango.”

1 Samwiri 4:12

Awo omusaiza owʼekika kya Bbenyamini, nʼazwa e gibabbaire balwanira, nʼairuka okwaba e Siiro oku lunaku olwo, ngʼanyiirire ebizwalobye, era nga yeesukire eitakali omu mutwe okulaga okunakuwala.