Kubiikula 18:11 - Bbaibbuli y'oLugwere

¹¹ Abasuubuuzi abʼoku kyalo bona bakikunga ni beekondamira olwʼokubba ababbaire bagula ebintu byabwe bafiire bawoirewo.

Kubiikula 18:11 ပူးပေါင်းရင်းမြစ်များ

ENgero 3:14

olwʼokubba amalabuki gʼomugaso okukiraku efeeza, era gʼamagoba okukiraku ezaabbu.

Matayo 22:5

Neye abageni abeete kadi kubafaaku era nʼabamo ni beeyabira mubyabwe. Era abandi ni beeyabira mu misiri gyabwe, nʼabandi mu bisuubuuzi byabwe.

Yokaana 2:16

Awo nʼakoba ababbaire batundiramu enjiiwa ati, “Enjiiwa ginu mugitoole aanu. Mubba mutya okusuuca enyumba ya Bbaabba okubba katale!”

2 Peetero 2:3

Kityo ibo olwʼobuluvu bwabwe, balisuna amagoba mwinywe, nga bakolesya obugero ibo abanyere obubayiyire. Era oKibbumba yamalire ira okwetegeka okubasalira omusango okubasinga era abo oKibbumba oyo eyalibajigirica tawongera.

Kubiikula 18:15

Abasuubuuzi abʼebintu ebyo abekyagaigawairye, balyemerera yala yala olwʼokutya okugada kwakyo, ni bakunga era ni beekondamira,

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

Kubiikula 18:23

Ekitangaala ekyʼeitaala tikyaliirayo kuboneka mwiwe. Waire eigono eryʼaleeta omukali omugole nʼeryʼaibaaye tiryaliirayo okuwulikika mwiwe. Abasuubuuzibo babbaire bakulu ino omu kyalo, era obulogobwo bwabbeyabbeyere amawanga gonagona!

Kubiikula 18:3

Ekyo kityo olwʼokubba amawanga gonagona gateemeire omwenge ogwʼobulendi bwakyo obwʼokusinza ebifaananyi. Abakabaka abʼoku kyalo bayendere nakyo, nʼabasuubuuzi abʼoku kyalo basuniire obusuni mu kucakala kwakyo okubitiriri.”

Kubiikula 18:9

Abakabaka abʼoku kyalo abayendanga nakyo ni babba aamo nakyo omu byʼamasanyu owebalibona nga bakyoca kiduunya omwosi, balikuukulya ni bakikunga.