Kubiikula 18:10 - Bbaibbuli y'oLugwere

¹⁰ Balyemerera yala yala olwʼokutya okugada kwakyo, ni bakoba bati, “Wobe! Wobe! Nga walaba iwe ekibuga ekinene! Iwe ekibuga ekyʼamaani dala bakujigiricirye omu saawa moiza yonkani!”

Kubiikula 18:10 ပူးပေါင်းရင်းမြစ်များ

OKubala 16:34

ABaisirairi bonabona ababbaire beeruguuliriirye abantu abo, owebawuliire okukuukulya ni bairuka, nga bakooka bati, “Twirukewo, demba swena eitakali ni litumira!”

Kubiikula 11:8

Emirambo gya bajulizi ababiri gyalisigala omu nguudo gyʼekibuga ekinene, oMusengwa waabwe omu bamukomereire oku musalabba. Eriina lyʼekibuga ekyo, eriri mu ngeri ya lugero niiryo oSodoma era oMisiri.

Kubiikula 14:8

Omalaika owokubiri nʼaiririraku ngʼakoba ati, “Kigwire, kigwire, oBbabbulooni ekibuga ekinene, ekyayegeserye amawanga agandi agʼoku kyalo gonagona okwenda nga basinza ebifaananyi. Ekibuga ekyo kyasiruwairye amawanga gonagona ngʼomuntu omoiza owaanywisya abainaye omwenge ni bateemeera ni bawaamu akabuntu.”

Kubiikula 16:19

Ekibuga ekinene ni kigabukanamu ebitundu bisatu. Nʼebibuga ebyʼomu byalo byonabyona ni biwumpuka ni bigwa. Atyo oKibbumba weyayebukiirye okubonereza abantu abʼomu kibuga ekinene ekyo, oBbabbulooni, nʼakinywisya ekikopo ekyʼobusungubwe.

Kubiikula 17:12

“Amaziga eikumi agooboine niibo abakabaka abandi ikumi abebakaali kuwa obwakabaka, okutoolaku nti ibo balibawa obwezye okufuga ngʼabakabaka mu kiseera kimo nʼogusolo, era balifugira akaseera katono.

Kubiikula 18:18

Owebalibona omwosi gwakyo nga kiya, balyaminkirira nga bakoba bati, “Tiwabbangawo ekibuga ekyagaagana kinu obunene!”

Kubiikula 18:19

Ni beesuka enkungu omu mitwe gyabwe, ni baasyamika nga bakuukulya era nga bawolooga, nga bakoba bati: “Wobe! Wobe! Nga walaba iwe ekibuga ekinene, ekyagaigawairye abanyere amaato agʼoku nyanza! Omu saawa moiza yonkani bakujigiricirye!”

Kubiikula 18:21

Awo omalaika owʼamaani nʼasetula eibbaale eriri ooti gumengo ogunene, nʼagudyaka omu nyanza ngʼakoba ati: “OBbabbulooni ekibuga ekinene balikudyaka batyo ansi nʼamaani amangi, nandi nʼoirayo kubonekaku!

Kubiikula 18:8

Nʼolwekyo ebirulumo ebyalikigadya, byalikiizira mu lunaku lumo, ni bireeta enzala, nʼokuyungubala, nʼokufa. Era ekibuga ekyo balikyoca omusyo, olwʼokubba oMusengwa iye oKibbumba iye wʼobwezye akisingisya omusango.”