Kubiikula 17:16 - Bbaibbuli y'oLugwere

¹⁶ Neye lumo, amaziga eikumi agooboine galyeyimbya nʼogusolo, byonabyona ni birwanisya omalaaya oyo, ni bimunyagaku ebintubye byonabyona, ni bimuleka bwere. Byalirya omubirigwe, ni bimukumaku nʼomusyo.

Kubiikula 17:16 ပူးပေါင်းရင်းမြစ်များ

EZabbuli 27:2

Abantu abakola ebibbibibbi owebaiza okunnumba nga bataka okummalawo, abampalana era abalabe bange owebannumba, beesitaala ni bagwa.

ABaleevi 21:9

“Omwala wa kabona oweyeeretangaku obutali bulongoole olwʼokusuuka omalaaya, yaabbanga ayemwire oiteeye. Baabbanga nʼokumwoca nʼafa.

Kubiikula 12:3

Ekyewunyo ekindi ekiti, ni kiboneka omwibbanga: Ni wabbaawo ogumpiri ogunene ogutukuliki, nga guli nʼemitwe musanvu, nʼamaziga ikumi, nga ku buli mutwe kuliku engule.

Kubiikula 16:12

Omalaika owomukaaga nʼasuka omu mwiga omunene ogubeeta Ewufulaate, ekibya ekyʼobusungu ekiyabbaire nakyo. Amaizi gaagwo ni gakalira, ni gakolera amaje agʼabakabaka abazwa e buzwaisana enzira eyʼokubitamu nga balumba.

Kubiikula 17:10

Era giraga bakabaka omusanvu; abataanu kwibo bafiire, omoiza niiye aliku afuga atyanu, nʼogondi asembayo akaali kwiza. Oweyaliiza, yalifugira ekiseera kitono,

Kubiikula 18:19

Ni beesuka enkungu omu mitwe gyabwe, ni baasyamika nga bakuukulya era nga bawolooga, nga bakoba bati: “Wobe! Wobe! Nga walaba iwe ekibuga ekinene, ekyagaigawairye abanyere amaato agʼoku nyanza! Omu saawa moiza yonkani bakujigiricirye!”

Kubiikula 18:8

Nʼolwekyo ebirulumo ebyalikigadya, byalikiizira mu lunaku lumo, ni bireeta enzala, nʼokuyungubala, nʼokufa. Era ekibuga ekyo balikyoca omusyo, olwʼokubba oMusengwa iye oKibbumba iye wʼobwezye akisingisya omusango.”

Kubiikula 19:18

Mwize mulye emirambo gyʼabakabaka, nʼegyʼabakulu bʼamaje, nʼegyʼabaisukale, nʼegyʼembalaasi, nʼegyʼabagityaimeku, nʼegyʼabantu bonabona abagalama nʼabʼeidembe, abakulu nʼabatobato!”