Kubiikula 16:19 - Bbaibbuli y'oLugwere

¹⁹ Ekibuga ekinene ni kigabukanamu ebitundu bisatu. Nʼebibuga ebyʼomu byalo byonabyona ni biwumpuka ni bigwa. Atyo oKibbumba weyayebukiirye okubonereza abantu abʼomu kibuga ekinene ekyo, oBbabbulooni, nʼakinywisya ekikopo ekyʼobusungubwe.

Kubiikula 16:19 ပူးပေါင်းရင်းမြစ်များ

Kubiikula 11:8

Emirambo gya bajulizi ababiri gyalisigala omu nguudo gyʼekibuga ekinene, oMusengwa waabwe omu bamukomereire oku musalabba. Eriina lyʼekibuga ekyo, eriri mu ngeri ya lugero niiryo oSodoma era oMisiri.

Kubiikula 17:1

Awo omoiza oku bamalaika omusanvu, ababbaire nʼebibya ebyʼobusungu bwa Kibbumba, nʼaiza nʼatumula na nze nʼankoba ati, “Oize, nʼakulaga omusango ogubasaliire omalaaya okirifuma, oyo atyaime oku maizi amangi.

Kubiikula 17:18

Kaisi tete omukali oguwaboine, niikyo ekibuga ekinene ekifuga abakabaka abʼekyalo.”

Kubiikula 17:5

Oku mpumiye babbaire bawandiikireku eriina eriri nʼamakulu amabisabise liti: “Bbabbulooni ekibuga ekinene, omaaye owʼabamalaaya nʼowʼebintu ebyʼoku kyalo ebyomuliko.”

Kubiikula 18:10

Balyemerera yala yala olwʼokutya okugada kwakyo, ni bakoba bati, “Wobe! Wobe! Nga walaba iwe ekibuga ekinene! Iwe ekibuga ekyʼamaani dala bakujigiricirye omu saawa moiza yonkani!”

Kubiikula 18:2

Nʼabbookooka nʼeigono eryaminkirira ati: “OBbabbulooni ekibuga ekinene kijigirikire! Kisuukire ikumbaaniro eryʼebinyonyi byonabyona ebibbibibbi era ebyomuliko. Era niikyo ekisito emizimu gyonagyona omu gikumbaanira.

Kubiikula 18:21

Awo omalaika owʼamaani nʼasetula eibbaale eriri ooti gumengo ogunene, nʼagudyaka omu nyanza ngʼakoba ati: “OBbabbulooni ekibuga ekinene balikudyaka batyo ansi nʼamaani amangi, nandi nʼoirayo kubonekaku!

Kubiikula 18:5

Ekyo kityo olwʼokubba ebibbibibbi byakyo bituukire omwigulu, nʼoKibbumba asalirewo okubonereza okubbenga kwakyo.”