Kubiikula 16:13 - Bbaibbuli y'oLugwere

¹³ Ni mbona emizimu misatu egifaanana ooti bikere, nga gizwa omu munwa ogwʼogumpiri, nʼogwʼogusolo, nʼogwa naabbi owʼobubbeyi.

Kubiikula 16:13 ပူးပေါင်းရင်းမြစ်များ

EZabbuli 105:30

Ekyalo kyabwe ni kiizula ebikere, ni bingira nʼomu bisenge bya kabaka waabwe.

EZabbuli 78:45

Yabasindikiremu ebiziima byʼenzi egyabagadirye, nʼebikere ebyababitirye obundi.

Matayo 7:15

Era oYesu ni yeeyongera ati, “Mwekuume abanaabbi abʼobubbeyi. Baiza egimuli ngʼoku ngulu baboneka ooti tibakabbikabbi ooti ntaama, neye ngʼomunda bali ooti misege egiiza okunyaga.

Kubiikula 16:14

Egyo niigyo emizimu egikola ebyewunyo, era egyaba egiri abeekubbemberi abʼebyalo byonabyona ababbibabbi, okubakumbaania balwane olutalo oku lunaku olukulu oKibbumba oWabwezye Bwonabwona oluyalibonerezeraku abakola ebibbibibbi bonabona.

Kubiikula 18:2

Nʼabbookooka nʼeigono eryaminkirira ati: “OBbabbulooni ekibuga ekinene kijigirikire! Kisuukire ikumbaaniro eryʼebinyonyi byonabyona ebibbibibbi era ebyomuliko. Era niikyo ekisito emizimu gyonagyona omu gikumbaanira.

Kubiikula 19:20

Neye ogusolo ni baguwamba aamo nʼonaabbi owʼobubbeyi, oodi eyakolere ebyewunyo okulwagwo. Ebyewunyo ebyo, niibyo ebiyabbeyabbeyerangaku abantu okubateekaku eraama eyʼogusolo, kaisi basinze ekifaananyi kyagwo. Ogusolo ogwo, nʼonaabbi owʼobubbeyi bonabona ni babadyaka omu nyanza eyʼomusyo ogududumuka.

Kubiikula 20:10

NʼoSitaani eyabasendasendere, balimudyaka omu nyanza eyʼomusyo, ogududumuka, egibadyakiremu ogusolo nʼonaabbi owʼobubbeyi, niimwo omu babagadiryanga obwire nʼomusana, emirembe nʼemirembe.