Kubiikula 15:4 - Bbaibbuli y'oLugwere

⁴ Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”

Kubiikula 15:4 ပူးပေါင်းရင်းမြစ်များ

EZabbuli 105:7

Niiye oMusengwa iye oKibbumba waiswe; niiye alamula omu kyalo kyonakyona.

EZabbuli 111:9

Yanunwire abantube, nʼakola nabo endagaano eyenkalaakalira. Iye Mutukulye era wʼentiisya.

EZabbuli 22:23

Inywe omutya oMusengwa mumuwuuje. Inywe eibyaire lya Yaakobbo nywenanywena, mumugulumalye. Era inywe eibyaire lya Isirairi nywenanywena, mumuwe ekitiisya.

EZabbuli 22:27

Abantu omu mawanga gonagona balimanya oMusengwa era baligaluka ni baira egyali. Ebika byonabyona omu byalo byonabyona byalimusinza.

EZabbuli 22:3

Niiwe oMutukulye atyama oku ntebe yʼobwakabaka, niiwe oIsirairi ogwawuuja.

EZabbuli 86:9

Oo Musengwa, amawanga gonagona agewakolere gaizanga egyoli ni gakusinza. Era gagulumalyanga eriinalyo.

EZabbuli 89:7

Omu lukiiko lwʼabatukulye omwigulu oKibbumba bamutyera nakimo ino, wʼentiisya okukiraku bonabona abamweruguuliriirye.

EZabbuli 97:8

Oo Musengwa, abʼomu Sayuuni basangaala, nʼabʼomu bibuga bya Yuda bajaagaana olwʼokulamulakwo.

EZabbuli 99:5

Mugulumalye oMusengwa iye oKibbumba waiswe! Era mumusinze nga muli omumaiso gʼentebeye eyʼobwakabaka, olwʼokubba iye Mutukulye.

EZabbuli 99:9

Mugulumalye oMusengwa iye oKibbumba waiswe, era mumusinzire oku lusozirwe olutukulye, olwʼokubba oMusengwa iye oKibbumba waiswe iye Mutukulye.

Abʼe Looma 15:9

era nʼokwezyesya aBatali Bayudaaya okuwuuja oKibbumba olwʼokusaasirakwe, ngʼowebakiwandiikire bati: “Nʼolwekyo nakuwuujanga omu Batali Bayudaaya, era ni nnyemba nga mpuuja eriinalyo.”

1 Peetero 1:16

olwʼokubba bakiwandiikire bati, “Mubbenge batukulye, olwʼokubba nze ndi Mutukulye.”

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 14:7

Nʼakoba nʼeigono eryaminkirira ati, “Mutye oKibbumba, era mumuwe ekitiisya olwʼokubba ekiseera kituukire asale omusango. Mumusinze oyo eyabbumbire eigulu, nʼekyalo, nʼenyanza, nʼensulo egyʼamaizi.”

Kubiikula 16:5

Ni mpulira omalaika alabirira amaizi ngʼakoba ati: “Iwe oli mwenkanya omu kuleetawo ebibonerezo ebyo. Era iwe oMutukulye, obbaawo era eyabbairewo okuzwa eira nʼeira, emisango ogisalire mu bwenkanya.

Kubiikula 16:7

Ni mpulira eigono nga lizwa egiri abo ababba oku kyoto, nga likoba liti: “Niikyo ekyo Musengwa oKibbumba oWabwezye Bwonabwona, ekyokolere kituuce era kya bwenkanya.”

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”

Kubiikula 19:8

Omugole wa Ntaama oMutomuto bamwikiriirye okuzwala ebizwalo ebya lineni omusa eino, era ebimirikiinya.” Omugole oyo niibo abatuukirirye, nʼebizwalo ebya lineni omusa eino ibyo niibyo ebikole byabwe ebyobutuukirirye.

Kubiikula 3:7

“OMalaika owʼekanisa eyʼomu Firaderufiya omuwandiikire oti: “ ‘Oyo omutukulye era owʼamazima, aali nʼekifunguwo ekya Dawudi, era aigulawo ni watabbaawo kadi moiza ayezya okwigalawo, nʼaigalawo ni watabbaawo kadi moiza ayezya okwigulawo, binu byakoba ati:

Kubiikula 4:8

Buli kimo oku bibbumbe ebyomi ebyo ebina, nga kiri nʼebiyaya mukaaga, era ebibbumbe ebiri nʼobwomi nago nga biizwire amaiso oku mubiri kwonakwona era nʼomu biyaya. Era omusana nʼobwire, anambula kusirikakuumu, nga bideeba biti: “OMutukulye, oMutukulye, oMutukulye, oMusengwa oKibbumba oWabwezye Bwonabwona, eyabbairewo, abbaawo, era aiza kubbaawo!”

Kubiikula 6:10

Ni batumula nʼeigono eryaminkirira bati, “Musengwa oMutukulye era owʼamazima, walituuca di kaisi nʼosalira abantu bʼoku kyalo omusango okubasinga, era nʼobabonereza olwʼokutwita?”

1 Samwiri 2:2

“Mpaawo omutuukirirye ngʼoMusengwa, mpaawo gondi ali ngaiye; mpaawo ayezya okutukuuma ngʼoKibbumba waiswe.