Kubiikula 15:3 - Bbaibbuli y'oLugwere

³ Ni bemba olwembo onaabbi oMusa, omuweererya wa Kibbumba oluyayembere, nʼolwembo eeri oNtaama oMutomuto wa Kibbumba, nga bakoba bati: “Musengwa oKibbumba oWabwezye Bwonabwona, ebyokola bikulu era byewunyisya! Iwe oKabaka owʼemirembe nʼemirembe, amanzirago matuuce era gʼamazima.

Kubiikula 15:3 ပူးပေါင်းရင်းမြစ်များ

ENtandiika 17:1

Awo oIbbulaamu oweyabbaire nga wʼemyanka 99, oMusengwa nʼamubonekera, nʼamukoba ati, “Ninze oKibbumba oWabwezye Bwonabwona, ongonderenge era obbenge mutuukirirye.

EZabbuli 100:5

Ekyo kityo olwʼokubba oMusengwa musa, era okutakakwe okutakoma kubbeerererawo emirembe gyonagyona. Obwesigwabwe bubbeerererawo emirembe gyonagyona.

EZabbuli 105:5

Mwebukiryenge ebyewunyo ebiyakolere, nʼebyamagero ebiyakolere, nʼemisango egiyasalire,

EZabbuli 111:2

OMusengwa ebyakola bikulu, bonabona ababisangaalira babifumintirizaku.

EZabbuli 111:7

Omu byakola, mwesigwa era mwenkanya, era ebiragirobye byonabyona byesigwa.

EZabbuli 139:14

Nkuwuuja olwʼokubba wankolere mu ngeri etiisya era eyeewuunyisya. Ebikolebyo byewuunyisya ino, era ekyo nkimaitiire nakimo ino.

EZabbuli 145:17

OMusengwa mutuuce mu byonabyona ebyakola, era wʼekisa omu bikolebye byonabyona.

EZabbuli 145:6

Abantu batumulanga oku maani agʼebyʼentiisya ebyakola, era nze namanyikisyanga obugulumalibwe.

EZabbuli 18:30

OKibbumba ebikolebye byʼobutuukirirye; oMusengwa byonabyona ebyasuubiza bituukirira. Niiye engabo yʼabo bonabona abairukira egyali.

EZabbuli 78:12

Yakolere ebyewunyo omumaiso gʼabazeiza baabwe nga bali omu kyalo kyʼe Misiri, omu kitundu kyʼe Zowani.

EZabbuli 92:5

Oo Musengwa, ebyokola nga bikulu, nʼebyoseega nga bigosi okubitegeera!

EZabbuli 99:4

OKabaka iye owabwezye, ataka bwenkanya. Wateekerewo enkola yʼokutamomola, era omwIsirairi okolere ekyo ekyʼobwenkanya era ekituuce.

Yokaana 1:17

Ekyo kityo olwʼokubba oKibbumba yawaire Musa aMateeka okugatuleetera, kaisi ekisa nʼamazima agakwata oku Kibbumba ibyo twabisunire kubita mu Yesu Kurisito.

AMateeka 31:30

Awo oMusa nʼatumula ebibono byʼolwembo lunu byonabyona okutuuka egirukoma, ngʼekibiina kyʼaBaisirairi kyonakyona kiwulira.

AMateeka 32:3

Nawuujanga eriina lya Musengwa, nakoberanga abandi ngʼoKibbumba waiswe obwali wʼamaani.

AMateeka 34:5

Era oMusa omuweererya wa Musengwa nʼafeera eeyo omu kyalo kyʼe Mowaabbu, ngʼoMusengwa oweyabbaire akobere.

1 Temuseewo 1:17

OKabaka owʼebiseera byonabyona atafa era ataboneka, oKibbumba omoiza yenkani, tumuwuujenge era tumuwenge ekitiisya emirembe nʼemirembe. Amiina.

AbʼEbbulaniya 3:5

OMusa yabbaire mwesigwa ngʼomuweererya omu nyumba ya Kibbumba okumalaku, ngʼakakasa abantu baamu ebyo oKibbumba ebiyalitumula omumaiso eeyo.

Yoswa 22:5

Neye mufengeyo ino okukuuma ebiragiro nʼamateeka, oMusa omuweererya wa Musengwa ageyabawaire; okutakanga oMusengwa iye oKibbumba waanywe, nʼokutambuliranga omu manzirage gonagona, nʼokugonderanga ebiragirobye, nʼokumwegumiryangaku, nʼokumuweereryanga nʼomwoyo gyanywe gyonagyona nʼobwomi bwanywe bwonabwona.”

Kubiikula 1:8

“Ninze Alufa era Omega,” atyo oMusengwa oKibbumba oWabwezye Bwonabwona waakoba, abbaawo, era eyabbairewo, era aiza kubbaawo.

Kubiikula 11:17

nga webakoba bati: “Musengwa oKibbumba oWabwezye Bwonabwona, abbaawo era eyabbairewo, tukwebalya olwʼokubba weiriirye obwezyebwo nʼotandiika okufuga.

Kubiikula 14:3

Ni bemba olwembo nga bali omumaiso agʼentebe eyʼobwakabaka, nʼagʼebibbumbe ebyomi ebina, nʼagʼabakaire. Olwembo olwo nga luboneka ooti luyaaka, era nga mpaawo gondi ayezya okulwega okutoolaku abo bonkani 144,000 abebanunwire okuzwa omu bufuge obwa Sitaani.

Kubiikula 14:8

Omalaika owokubiri nʼaiririraku ngʼakoba ati, “Kigwire, kigwire, oBbabbulooni ekibuga ekinene, ekyayegeserye amawanga agandi agʼoku kyalo gonagona okwenda nga basinza ebifaananyi. Ekibuga ekyo kyasiruwairye amawanga gonagona ngʼomuntu omoiza owaanywisya abainaye omwenge ni bateemeera ni bawaamu akabuntu.”

Kubiikula 17:14

Eikumi abo, nga beeyimbirye nʼogusolo, balirwanisya oNtaama oMutomuto wa Kibbumba, neye era, yalibawangula, olwʼokubba niiye oMusengwa owʼabasengwa era oKabaka owʼabakabaka. Nʼabasengereri aba Ntaama oMutomuto wa Kibbumba, abo abeyayetere, abeyalonderemu, era abeesigwa balibba aamo naye.”

Kubiikula 19:16

Oku ganduulaye nʼoku kisambikye, ali nʼeriina eribawandiikireku bati: OKABAKA WʼABAKABAKA, ERA OMUSENGWA WʼABASENGWA.

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”

Kubiikula 4:8

Buli kimo oku bibbumbe ebyomi ebyo ebina, nga kiri nʼebiyaya mukaaga, era ebibbumbe ebiri nʼobwomi nago nga biizwire amaiso oku mubiri kwonakwona era nʼomu biyaya. Era omusana nʼobwire, anambula kusirikakuumu, nga bideeba biti: “OMutukulye, oMutukulye, oMutukulye, oMusengwa oKibbumba oWabwezye Bwonabwona, eyabbairewo, abbaawo, era aiza kubbaawo!”