Kubiikula 14:7 - Bbaibbuli y'oLugwere

⁷ Nʼakoba nʼeigono eryaminkirira ati, “Mutye oKibbumba, era mumuwe ekitiisya olwʼokubba ekiseera kituukire asale omusango. Mumusinze oyo eyabbumbire eigulu, nʼekyalo, nʼenyanza, nʼensulo egyʼamaizi.”

Kubiikula 14:7 ပူးပေါင်းရင်းမြစ်များ

ENtandiika 22:12

Omalaika nʼamukoba ati, “Tiwaita omwanawo era tomukolaku akabbikabbi konakona. Atyanu ntegeire ngʼotya oKibbumba. Ekyo kityo olwʼokubba tiweezizyazizirye oku kyʼokuwaayo omwanawo, omwana omoiza yenkani.”

EZabbuli 115:15

Oleke oMusengwa abawenge enkabi, Iye eyakolere eigulu nʼekyalo.

EZabbuli 124:8

Obubbeeri bwaiswe buzwa eeri Musengwa, eYakolere eigulu nʼekyalo.

EZabbuli 33:6

OMusengwa yabbumbire eigulu ngʼalagira-bulagiri, era nʼakola ebiri angulu byonabyona ngʼatumula kibono.

EZabbuli 36:1

Ekibbikibbi kitumulira omu mwoyo gwʼomuntu omubbimubbi. Ekyʼokuwa oKibbumba ekitiisya kibabulamu.

EZabbuli 89:7

Omu lukiiko lwʼabatukulye omwigulu oKibbumba bamutyera nakimo ino, wʼentiisya okukiraku bonabona abamweruguuliriirye.

EZabbuli 95:5

Enyanza yiye, olwʼokubba niiye eyagikolere, nʼolukalu niiye eyalwekoleire nʼengalogye.

OKuzwa 20:11

Ekyo kityo olwʼokubba omu naku omukaaga, Nze oMusengwa munabbumbiire ekyalo, nʼeigulu, nʼenyanza era nabuli kintu ekibirimu, neye oku lunaku lwomusanvu ni mpumula. Nʼolwʼensonga eyo, Nze oMusengwa nalwawiire okubba lutukulye.”

Matayo 25:13

Awo oYesu nʼamaliriirya ati, “Nʼolwekyo mubbenge bulindaala, olwʼokubba timumaite olunaku waire saawa oMwana wa Muntu egiyaliiriramu.”

Luuka 17:18

Mpaawo ogondi airire okuwuuja oKibbumba okutoolaku onu atali Muyudaaya?”

Bikole 14:15

“Bantu inywe, niki ekibaleetera okukola ekyo? Swena ngʼowemutubona tuli bantu-buntu ooti niinywe. Tubaleeteire aMawuliro aMasa, ngʼekitubakoba kiri kiti, muzwe oku kusinza ebyo ebifaananyi-obufaananyi ebinambulamu, mwire oku kusinza oKibbumba onanyere obwomi, oyo eyakolere eigulu nʼekyalo, nʼenyanza, nʼebyo byonabyona ebibirimu.

Yoswa 7:19

Awo oYoswa nʼakoba Akani ati, “Mwana wange, owe oMusengwa iye oKibbumba wa Isirairi ekitiisya, era omugulumalye. Onkobere ekiwakolere; tiwakimbisabisa.”

1 Peetero 4:7

Cooka enkomerero ya byonabyona eri kumpi. Nʼolwekyo mubbenge beegendereza era nʼomu kwekuumira omu mpisa, kaisi mwezyenge okusaba oKibbumba.

Kubiikula 11:13

Omu kaseera akanyere ako, ni wabbaawo okutengeeta okwʼekyalo okwʼamaani. Ekitundu kimo kyʼeikumi ekyʼekibuga ni kijigirika, nʼabantu 7,000 omusisi oku kyalo ni gubaita. Abantu abasigairewo okutya ni kubakwata, ni bawa oKibbumba owʼomwigulu ekitiisya.

Kubiikula 11:18

Abantu abataikirirya basunguwaire ino; neye nʼobusungubwo bwizire. Ekiseera kituukire okusalira abafu omusango, nʼokuwa empeera abaweereryabo abanaabbi, nʼabatuukirirye bonabona abakuwa ekitiisya abatobato nʼabakulu. Era ekiseera kituukire okulikirya abo abajigirica ekyalo.”

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”

Kubiikula 16:9

Eibbugumu eryʼamaani ni libabula abantu, neye ni bazumirira oKibbumba aali nʼobwezye oku bibonyoobonyo ebyo, omu kifo ekyʼokwenenya bamuwe ekitiisya.

Kubiikula 18:10

Balyemerera yala yala olwʼokutya okugada kwakyo, ni bakoba bati, “Wobe! Wobe! Nga walaba iwe ekibuga ekinene! Iwe ekibuga ekyʼamaani dala bakujigiricirye omu saawa moiza yonkani!”

Kubiikula 18:17

Omu saawa moiza yonkani, obusuni obwo bwonabwona bujigirikire!” Abavugi abʼamaato nʼamameeri bonabona, nʼabagatambuliramu bonabona, nʼabo bonabona abasuubuulira oku nyanza balyemerera yala yala.

Kubiikula 18:19

Ni beesuka enkungu omu mitwe gyabwe, ni baasyamika nga bakuukulya era nga bawolooga, nga bakoba bati: “Wobe! Wobe! Nga walaba iwe ekibuga ekinene, ekyagaigawairye abanyere amaato agʼoku nyanza! Omu saawa moiza yonkani bakujigiricirye!”

Kubiikula 19:5

Era eigono ni lizwa awabbaire entebe eyʼobwakabaka ni likoba liti: “Muwuuje oKibbumba waiswe inywe nywenanywena abaweereryabe, na inywe nywenanywena abatobato nʼabakulu abamuwa ekitiisya.”

Kubiikula 4:11

“Musengwa iye oKibbumba waiswe, osaaniire ekitiisya nʼokukuwuuja, era nʼokubba nʼobwezye, olwʼokubba niiwe eyabbumbire byonabyona. Wabibbumbire, era ni bibbaawo ngʼowewatakire.”

Kubiikula 4:9

Ebibbumbe ebyomi ebina, buli owebyawanga bityo ekitiisya oyo atyaime oku ntebe eyʼobwakabaka, era omwomi, ni bimuwuuja era emirembe nʼemirembe ni bimwebalya.

Kubiikula 8:10

Omalaika owokusatu nʼafuwa ekondeereye. Onkota omunene nʼazwa angulu, ngʼalunkuuma ooti musyo gwʼemole, nʼagwa oku kitundu kimo kyokusatu ekyʼemiiga nʼomu nsulo gyʼamaizi.

1 Samwiri 6:5

Mukole ebibbumbe ebiwulumbe ooti bizimba byanywe, nʼebiri ooti mese ibyo ebyonoonere ekyalo kyanywe. Era muwe oKibbumba wa Isirairi ekitiisya, amo nʼabasoniya inywe nʼabakibbumba baanywe era nʼekyalo kyanywe.