Kubiikula 14:5 - Bbaibbuli y'oLugwere

⁵ Tibatumulangaku byʼobubbeyi, era tibaabbangaku nʼekyokubanenya.

Kubiikula 14:5 ပူးပေါင်းရင်းမြစ်များ

EZabbuli 32:2

Wʼenkabi omuntu oyo oMusengwa ogwatabalira ekibbikibbi, era onambulamu obubbeyi.

EZabbuli 34:13

okuume olulumirwo okutatumula ebintu ebibbibibbi, nʼomunwagwo okutatumula ebyakalebule.

EZabbuli 55:11

Obutemo niibwo obuli omu kibuga ekyo, okutiisyatiisya nʼobubbeyi tibica omu nguudo gyakyo.

ENgero 8:8

Byonabyona ebintumula byʼamazima, mpaamu bucaamu waire obugotesye.

Matayo 12:34

Inywe muli bakabbikabbi ooti mpiri enfulugundu! Mwezya mutya okutumula ebintu ebisa nga muli bantu abakola ebibbibibbi? Ekyo kityo olwʼokubba ebintu ebiizula omu mwoyo gwa muntu, omunwagwe niibyo ebigutumula.

Luuka 23:4

Awo oPiraato nʼakoba abakabona abakulu nʼekiziima kyʼabantu ati, “Timbona musango ogumuvunaana omuntu onu.”

Yokaana 1:47

Iye oYesu oweyaboine oNasanairi nga yatira okumutuukaku, oYesu nʼamutumulaku ati, “Obone oMwisirairi onanyerenyeere, onambulamu bubbeyi naire.”

AbʼEfeeso 5:27

kaisi yeesunire ekanisa eyo ngʼenekaaneka, ngʼebulaku kadi itondo ooba eibala eryʼekibbikibbi, ooba kyokuginenya, waire bunafu obwʼengeri yonayona.

Abʼe Kolose 1:22

Neye atyanu oKibbumba yasyanirye na inywe, omu mubiri ogwa Kurisito oweyafiire, kaisi abaweeyo nga muli batukulye, era abanambulaku kyokubanenya waire musango omumaiso ga Kibbumba.

AbʼEbbulaniya 9:14

Neye oKurisito abulaku ekyokumunenya, yeewaireyo nʼafa ngʼesadaaka eeri oKibbumba omu maani ga Mwoyo atawaawo. Aale atyanu omusaayegwe tigwalikirawo ino okunaabya emyoyo gyaiswe nga gutoolawo okuwulira omusango olwʼebikole ebibbibibbi, ni tuweererya oKibbumba onanyere obwomi?

1 Peetero 1:19

Neye babanunwire nʼomusaaye ogwʼebbeeyi eino ogwo ogwa Kurisito Yesu, iye aali ooti ntaama omutomuto abulaku ekyokumunenya waire kamogo.

1 Peetero 2:22

Era nʼeKiwandiike kikoba kiti: “Iye tiyakolereku kibbikibbi, era tibamwajiiryekuumu bubbeyi mu ntumulaye.”

1 Peetero 3:10

Era nʼeKiwandiike kikoba kiti: “Omuntu yenayena eyegomba okubbaawo oku kyalo era ngʼali omu bwomi obusa, ateekwa okwekuuma okutabba nʼolulumi olutali lusa era nʼokutabba nʼentumula eyʼobubbeyi.

Yuda 1:24

Aale atyanu mumuwuujenge iye oKibbumba ayezya okubakuuma ni mutaingira omu kibbikibbi era nʼabatuuca omu kitiisyakye nga mubulaku ekyokubanenya era nga muli nʼokujaagaana okwʼamaani.