Kubiikula 14:3 - Bbaibbuli y'oLugwere

³ Ni bemba olwembo nga bali omumaiso agʼentebe eyʼobwakabaka, nʼagʼebibbumbe ebyomi ebina, nʼagʼabakaire. Olwembo olwo nga luboneka ooti luyaaka, era nga mpaawo gondi ayezya okulwega okutoolaku abo bonkani 144,000 abebanunwire okuzwa omu bufuge obwa Sitaani.

Kubiikula 14:3 ပူးပေါင်းရင်းမြစ်များ

EZabbuli 144:9

Oo Kibbumba, nakwemberanga olwembo oluyaaka; nakukubbiranga enkana eyʼenkosi eikumi nga wenkwembera.

EZabbuli 149:1

Muwuuje oMusengwa! Mwembere oMusengwa olwembo oluyaaka, mumuwuuje omu nkumbaana gyʼabatuukiriryebe.

EZabbuli 25:14

OMusengwa abba mukaagwa wʼabo abamutya, era abamanyikisya endagaanoye.

EZabbuli 33:3

Mumwembere olwembo oluyaaka. Mukubbe ebivuga byanywe nʼamalabuki nʼobukugu, nga muceera olwʼeisangaalo.

EZabbuli 40:3

Yampaire olwembo oluyaaka, olwʼokuwuujanga iye oKibbumba waiswe. Bangi babonanga ekyo ni batya, ni beesiganga oMusengwa.

EZabbuli 96:1

Mwembere oMusengwa olwembo oluyaaka, abʼoku kyalo nywenanywena mwembere oMusengwa.

EZabbuli 98:1

Mwembere oMusengwa olwembo oluyaaka, olwʼokubba akolere ebyewuunyisya; olwʼobwezyebwe nʼamaanige amabitiriri, abawanguliire.

1 Abʼe Kolinso 1:18

Atyanu ibo abantu abo ababba bagotere baseega bati amawuliro agakwata oku kufa kwa Kurisito oku musalabba ga busiru, neye iswe oKibbumba abaalokola, tubona tuti ago maani ga Kibbumba agaakolesya okutulokola.

1 Abʼe Kolinso 2:14

Neye omuntu abula oMwoyo wa Kibbumba, tayezya okwikirirya ebya Mwoyo nago, olwʼokubba abibona ngʼebyʼobusirusiru, era tayezya okubitegeera. Ekyo kityo olwʼokubba omuntu aali nʼoMwoyo wa Kibbumba niiye abyekalikica era nʼabitegeera kusani.

Kubiikula 14:1

Owenasetwire amaiso, ni mbona oNtaama oMutomuto wa Kibbumba ngʼayemereire oku lusozi oSayuuni ekibuga Yerusaalemi oku kityaime. Yabbaire aamo nʼabantu 144,000, nga nʼeriinalye nʼerya Iteeye bagawandiikire oku mpumi egyʼabantu abo.

Kubiikula 15:3

Ni bemba olwembo onaabbi oMusa, omuweererya wa Kibbumba oluyayembere, nʼolwembo eeri oNtaama oMutomuto wa Kibbumba, nga bakoba bati: “Musengwa oKibbumba oWabwezye Bwonabwona, ebyokola bikulu era byewunyisya! Iwe oKabaka owʼemirembe nʼemirembe, amanzirago matuuce era gʼamazima.

Kubiikula 2:17

“ ‘Ali nʼamatwi, awulire oMwoyo oMutukulye ekyakoba amakanisa. Oyo awangula amaani aga Sitaani, nalimuwa oku kyokulya ekibise. Era nalimuwa eibbaale eryeru, eribawandiikireku eriina eriyaaka, omuntu ogondi yenayena eryatamaite, okutoolaku oyo alisuna.’ ”

Kubiikula 5:9

Ni bemba olwembo oluyaaka nga bakoba bati: “Osaaniire okutoola omuzingo ogwʼekitabo, nʼokumoonolola obuzebbo bwagwo. Ekyo kityo olwʼokubba bakwitire, era olwʼokufaakwo, wanunuliire oKibbumba abantu omu bika byonabyona, nʼomu ntumu gyonagyona, nʼomu bantu bonabona, nʼomu mawanga gonagona,

Kubiikula 7:4

Awo ni mpulira obungi obwʼabo abebateekereku eraama. Babbaire 144,000, abazwa mu buli kika ekyʼabantu abʼe Isirairi.