Kubiikula 14:14 - Bbaibbuli y'oLugwere

¹⁴ Awo ni ngangamula amaiso, ni mbona ekireri ekyeru, era oku kireri ekyo nga kutyaimeku afaanana ooti Mwana wa Muntu. Yabbaire azwaire engule eyʼezaabbu oku mutwegwe, ngʼakwaite nʼakagoda akoogi.

Kubiikula 14:14 ပူးပေါင်းရင်းမြစ်များ

EZabbuli 21:3

Era wamusisinkanire nʼomuwa enkabi egyʼamaani, nʼomuzwalisya oku mutwe engule yʼezaabbu ennongoole.

EZabbuli 97:2

Ebireri nʼondikiirya ozigizigi bimweruguuliriirye; obutuukirirye nʼobwenkanya niibyo omusingi gwʼentebe yʼobwakabakabwe.

Matayo 13:30

Wazira muleke byonabyona bikulire aamo paka okwikesa. Omu kiseera ekyo, nalikoba abakesi nti, ‘Musooke mukumbaanie ebikolokosimbo mubisibe binywa mubyoce, kaisi engaano mugikumbaanie era mugireete omu kideero kyange.’ ”

Matayo 17:5

Oweyabbaire ngʼakaali atumula ebyo, ekireri ekimirikiinya ni kiiza, ni kibabbuunaku nʼekiiriirye kyakyo. Era eigono ni lizwera omu kireri ekyo nga likoba liti, “Onu niiye oMwana wange oguntaka eino, era ogunsiima eino, mumuwulisisye.”

Maako 4:29

Amaiso ago nga gengere, olwo omukesi nʼakwata akagoda, olwʼokubba eikesa libba lituukire.”

Luuka 21:27

Olwo kaisi ni babona oMwana wa Muntu ngʼaizira oku bireri, era ngʼali nʼobwezye bungi nʼekitiisya ekyʼamaani.

AbʼEbbulaniya 2:9

Wazira ogutubona Yesu, iye oyo ogubakolere nʼabba, okumala akaseera katyayi kati, ngʼabulwaku okwagaagana abamalaika. Era, atyanu niiye ogubatiikiire obugulumali nʼekitiisya olwʼokubba yabitire omu kufa kaisi, olwʼekisa kya Kibbumba, ayezye okufeererera abantu bonabona.

Kubiikula 1:13

Aakati wʼebikondo ebyo ni mbonawo afaananira nakimo nʼoMwana wa Muntu, ngʼazwaire eganduula etuukira nakimo ansi oku bigere, era nga yeesibire omu kifubba omusipi ogwa zaabbu.

Kubiikula 1:7

“Ngoyo aizira oku bireri. Abantu bʼentumu gyonagyona balimubona, era nʼabo abamusumutire balimubona. Abantu abatamwikirirya bonabona oku kyalo balikubba enduulu okululwe.” Niikyo owekyalibba. Amiina.

Kubiikula 10:1

Awo ni mbona omalaika ogondi owʼamaani, ngʼazwa omwigulu aika. Yabbaire azwaire kireri, aate oku mutwegwe nga kuliku omusoke; kaisi omumaisoge nga mwaka ooti isana, nʼebigerebye, nga biri ooti bikondo ebirunkuuma omusyo.

Kubiikula 11:17

nga webakoba bati: “Musengwa oKibbumba oWabwezye Bwonabwona, abbaawo era eyabbairewo, tukwebalya olwʼokubba weiriirye obwezyebwo nʼotandiika okufuga.

Kubiikula 19:12

Amaisoge gabbaire ooti ndimi gya musyo, era ngʼaliku engule nyingi oku mutwegwe. Bamuwandiikireku eriina, nga mpaawo omuntu kadi moiza amaite amakulu gaalyo okutoolaku iye onyere yenkani.

Kubiikula 20:11

Awo ni mbona entebe eyʼobwakabaka enene era enjeru, ni mbona nʼoyo agityaimeku. Era olwʼentiisya yʼoyo atyama oku ntebe, ekyalo nʼeigulu ni bizwa omumaisoge, ni bijigirika biwaawo.

Kubiikula 6:2

Ni nningirira, ni mbona omuntu ngʼali nʼakalaso atyaime oku mbalaasi owʼerangi enjeru. Ni bamuwa engule, nʼayaba ngʼawangula, era ngʼamaliriire okuwangulira nakimo abalabebe.