Kubiikula 14:11 - Bbaibbuli y'oLugwere

¹¹ Era omwosi ogwaliduunya okuzwa omu musyo ogubalyocerya abantu abatyo gwalibba gwʼemirembe nʼemirembe. Abo abasinza ogusolo nʼekifaananyi kyagwo, era nabuli moiza kwabo abali nʼeraama yʼeriina lyagwo, tibalibbaaku nʼegibawuumulira omusana nʼobwire.”

Kubiikula 14:11 ပူးပေါင်းရင်းမြစ်များ

ENtandiika 19:28

Kale nʼalingirira e Sodoma nʼe Gomola e gibiri, era nʼeeri ekyalo kyonakyona ekyo ekibulamu ensozi, nʼalengera ogwosi ogwʼamaani nga guzwerayo nga guduunya ooti guudi oguzwera omu tanuulu.

EZabbuli 10:16

OMusengwa iye Kabaka emirembe nʼemirembe. Era abanamawanga balijigirika ni bawa omu kyalokye.

EZabbuli 145:1

Nagulumalyanga niiwe oKibbumba era oKabaka wange; nakuwuujanga emirembe nʼemirembe.

OKuzwa 15:18

Musengwa wafuganga emirembe nʼemirembe.”

Matayo 11:28

Kale oYesu ni yeeyongera okukoba abantu ati, “Mwize egyendi nywenanywena abali nʼebibakaluubirira, nze nabawa ekiwuumulo.

Matayo 25:41

“Awo yalikoba abo abalibba oku lubbaalwe olwʼengalo engooda ati, ‘Muzwe e gyendi inywe oKibbumba abeyalaamire. Era mwabe omu musyo ogutalikira, eira ogubategekeire oSitaani nʼabamalaikabe.

Matayo 25:46

“Kale abo balibasindika oku kibonerezo ekitawaawo. Neye abatuukirirye balyaba mu bwomi obutawaawo.”

AMateeka 28:65

Era omu mawanga ago, timwalyeyagalirayo kadi katyayi. Timwalibbaayo nʼekiwuumulo, wazira oMusengwa yalibawa emyoyo egyeraliikirira, ngʼebiseego byanywe bisiiba kwegomba, nʼemyoyo egiwoiremu eisuubi.

AbʼEbbulaniya 1:8

Neye owekituuka oku Mwanawe, oKibbumba akoba ati: “Obwakabaka oKibbumba obwakuwaire bwakubbaawo emirembe nʼemirembe. Okufugakwo omu bwakabakabwo kutambulira ku bwenkanya.

Kubiikula 11:15

Awo omalaika owomusanvu nʼafuwa ekondeereye. Ni wabbaawo amagono omwigulu agaaminkirira, nga gakoba gati: “Obwakabaka obwʼekyalo busuukire bwa Musengwa waiswe era bwa Kurisito, era yafuganga emirembe nʼemirembe.”

Kubiikula 13:12

Ogusolo ogwo ni gukolesya obwezye bwonabwona obwʼogusolo ogwasookere, nga gwona ogwasookere ogunyere gubona. Ogusolo ogwo ni gwazya ebyalo nʼababirimu, okusinza ogusolo gudi ogwasookere ogwalamire ekiwundu ekyabbaire ekyʼokugwita.

Kubiikula 13:15

Ogusolo ogwokubiri ogwo ni bagwikirirya nʼokwezyesya okufuwa omwota ogwʼobwomi, omu kifaananyi ekyʼogusolo ogwasookere, ekyo kibbe kyomi kitumule, era kiragire baite abo bonabona abagaana okukisinza.

Kubiikula 13:17

Buli muntu ni bamugaana okubbaaku nʼekyagula ooba ekyatunda, okutoolaku nga bamalire okumuteekaku eraama eyo, nga niiyo eriina eryʼogusolo gudi ogwasookere ooba enamba etegeeza eriina lyagwo.

Kubiikula 14:9

Omalaika owokusatu nʼairirira ku badi ababiri, nʼatumula nʼeigono eryaminkirira ati, “Buli muntu asinza ogusolo nʼekifaananyi kyagwo, era nʼaikirirya okumuteekaku eraama oku mpumiye ooba oku ngaloye,

Kubiikula 18:18

Owebalibona omwosi gwakyo nga kiya, balyaminkirira nga bakoba bati, “Tiwabbangawo ekibuga ekyagaagana kinu obunene!”

Kubiikula 18:9

Abakabaka abʼoku kyalo abayendanga nakyo ni babba aamo nakyo omu byʼamasanyu owebalibona nga bakyoca kiduunya omwosi, balikuukulya ni bakikunga.

Kubiikula 19:3

Era ni bakoba bati: “Muwuuje oKibbumba! Ekyo kityo olwʼokubba, omwosi ogukizwamu guduunya emirembe nʼemirembe!”

Kubiikula 20:10

NʼoSitaani eyabasendasendere, balimudyaka omu nyanza eyʼomusyo, ogududumuka, egibadyakiremu ogusolo nʼonaabbi owʼobubbeyi, niimwo omu babagadiryanga obwire nʼomusana, emirembe nʼemirembe.

Kubiikula 22:5

Obwire tibwaliirayo kwirugala, era tibalyetaaganga kitangaala kyʼeitaala, waire ekyʼeisana, olwʼokubba oMusengwa iye oKibbumba niiye eyaabbanga ekitangaala kyabwe. Era, abaweereryabe bafuganga emirembe nʼemirembe.

Kubiikula 7:12

nga webakoba bati: “Amiina! Kibbumba waiswe okuwuuja, nʼekitiisya, nʼokwebalya, era amalabuki, nʼobwezye nʼamaani bibyo emirembe nʼemirembe. Amiina.”